Author: Buzzer Editor

නොවැම්බරයේ පැවැත්වෙන ඇමෙරිකන් ජනාධිපතිවරණය ට අදාල මැතිවරණ ප්‍රචාරණ කටයුතුවලදී AI තාක්ෂණය භාවිතයට ගැනෙන බැවින්, ජනතාව නොමඟ යැවීමක් සිදුවෙන බව ඇමෙරිකන් එෆ්.බී.අයි. කාර්යාංශය අනතුරු අඟවයි. ඇමෙරිකන් ජනාධිපතිවරණය පැවැත්වෙන්නේ ඩිමොක්‍රටික් පාක්ෂික වත්මන් ජනාධිපති ජෝ බයිඩන් සහ රිපබ්ලිකන් පාක්ෂික හිටපු ජනාධිපති ඩොනල්ඩ් ට්‍රම්ප් අතරේය. AI තාක්ෂණය භාවිතයට ගනිමින් බයිඩන්ගේත් ට්‍රම්ප්ගේත් ඇතැම් ප්‍රකාශ විකෘති කර ජනතාව අතරට ගොස් ඇති බවත්, AI තාක්ෂණය මගින් බයිඩන්ගේත් ට්‍රම්ප්ගේත් කට හඬ යොදා ගනිමින් එක් එක් ආකාරයේ ප්‍රකාශ සමාජ මාධ්‍යවලට එක් කර ඇති බවත් එෆ්.බී.අයි. පරීක්ෂකයෝ වැඩි දුරටත් පෙන්වා දෙති. (BBC) තවත් විදෙස් තොරතුරු සඳහා අපගේ Buzzer World News අංශය වෙත පිවිසෙන්න.

ෂාරුක් ඛාන්ගේ දියණිය සුහානා ඛාන් සහ අමිතාබ් බච්චන්ගේ මුනුපුරා අගස්ත්‍යා නන්දා පෙම්වතුන් යැයි ඉන්දීය මාධ්‍ය වාර්තා පෙන්වා දෙයි. සුහානා ඛාන් මෙන්ම අගස්ත්‍යා නන්දා ද රංගනයට පිවිස සිටිති. දෙදෙනාගේ පළමු රංගනය දකින්න ලැබුණේ, 2023 Netflix හරහා විකාශය වූ ‘ද ආර්චීස්’ The Archies හරහාය. සුහානා ඛාන් සහ අගස්ත්‍යා නන්දා මුම්බායි නුවර සමාජ ශාලාවල විනෝද වන අයුරු දැක්වෙන පැපොරාසි ඡායාරූප සහ වීඩියෝ දසුන් මේ වනවිට ප්‍රසිද්ධියට පත් වී ඇත. කෙසේ නමුත් මේ සම්බන්ධයෙන් සුහානා ඛාන් හෝ අගස්ත්‍යා නන්දා හෝ කිසිවක් නිල වශයෙන් පවසා නැත. Buzzer.lk සහ Buzzer Entertainment සමඟ සම්බන්ධ වීමෙන් මෙවැනිම ආකාරයේ විනෝදාස්වාද පුවත් පිළිබඳ වැඩිදුර දැන ගන්න.

මහජන ආරක්ෂක කටයුතු පිළිබඳ හමුදා ප්‍රධානියා වහා ධුරයෙන් නෙරපා දැමීමට යුක්රේන ජනාධිපති ව්ලොදිමීර් සෙලෙන්ස්කී පියවර ගෙන තිබේ. පසුගිය දා යුක්රේන ජනාධිපති සෙලෙන්ස්කී ඝාතන කුමන්ත්‍රණයක් අනාවරණය විය. එම කුමන්ත්‍රණය සම්බන්ධයෙන් යුක්රේන හමුදාවේ නිලධාරීන් දෙදෙනකු අත්අඩංගුවට ගැණුනි. යුක්රේන ජනාපධිතිවරයා මහජන ආරක්ෂක කටයුතු පිළිබඳ හමුදා ප්‍රධානියා ලෙස කටයුතු කළ සර්චි රඞ් එම ධුරයෙන් නෙරපා දැමීම කළේ ව්‍යර්ථ කෙරුණු එම ඝාතන කුමන්ත්‍රණය මුල්කොට ගනිමිනි. (AFP) තවත් විදෙස් තොරතුරු සඳහා අපගේ Buzzer World News අංශය වෙත පිවිසෙන්න.

පෘථිවියේ සිට ආලෝක වර්ෂ 41 ක් දුරින් පිහිටා ඇති වායුගෝලයකින් සමන්විත පාෂාණමය ග්‍රහලෝකයක් සොයා ගැනීමට ඇමෙරිකාවේ නාසා විද්‍යාඥයෝ සමත් වී සිටිති. මෙම ග්‍රහලෝකය සොයා ගෙන ඇත්තේ අභ්‍යවකාශයේ රඳවා ඇති ‘ජේම්ස් වෙබ්’ දුරේක්ෂයේ ආධාරයෙනි. විද්‍යාඥයන් මෙම ග්‍රහලෝකය නම් කර ඇත්තේ ‘55 කැන්ක්‍රී ඊ’ යනුවෙනි. ‘55 කැන්ක්‍රී ඊ’ ග්‍රහලෝකය පෘථිවිය වඩා 8.8 ගුණයකින් විශාල නමුත්, නෙප්චූන් ග්‍රහලොවට වඩා ප්‍රමාණයෙන් කුඩා බව පැවැසෙයි. (AFP) Buzzer.lk සහ Buzzer Science & Technology සමඟ සම්බන්ධ වීමෙන් තවත් මෙවැනිම විස්තර දැන ගන්න.

2024 ජනාධිපතිවරණයේ ඡන්ද විමසීම සැප්තැම්බර් 17 වනදා සහ ඔක්තෝබර් 16 වැනිදා අතර කාලය තුළ පවත්වන බව මැතිවරණ කොමිෂන් සභාව පවසනවා. ඒ අනුව ඊට අදාළ නාම යෝජනා කැඳවීම නියමිත කාලසීමාව තුළ සිදුකරන බවයි එම කොමිෂන් සභාව නිවේදනයක් නිකුත් කරමින් සඳහන් කරන්නේ. Buzzer.lk සහ Buzzer Politics සමඟ සම්බන්ධ වීමෙන් තවත් දේශපාලන පුවත් සහ තොරතුරු සොයා ගන්න.

ශ්‍රී ලංකාවේ ප්‍රධානතම ජංගම දුරකථන සේවා සැපයුම්කරුවන Dialog Axiata PLC සමාගමේ දෙවන විශාලතම කොටස් හිමියා බවට Bharti Airtel Limited පත් වී ඇත. මෙය සිදු වී ඇත්තේ මෙම සමාගම් දෙක අතර Bharti Airtel Lanka සමාගම සම්බන්ධයෙන් ඇති කරගත් එකඟතාවයකට අනුවය. ඉන්දීය Bharti Airtel Limited හි පූර්ණ අනුබද්ධ සමාගමක්වන Bharti Airtel Lanka සමාගමේ කොටස් සියයට සියයක්ම Dialog Axiata සමාගම වෙත ලබා දී ඒ වෙනුවට Dialog Axiata PLC සමාගමේ කොටස් ලබා ගැනීමේ කොටස් හුවමාරු ගිවිසුමකට මෙම සමාගම් දෙක පසුගිය අප්‍රේල් මාසයේදී එළඹිණි. මෙම සමාගම් දෙක අතර ව්‍යාපාරික ක්‍රියාකාරකම් ඒකාබද්ධ කිරීමට තීරණය කෙරුණේ පසුගිය වසරේ මැයි මාසයේදීය. Buzzer.lk සහ Buzzer Financial හා සම්බන්ධ වෙමින් තවත් මෙවැනිම විස්තර…

රාජ්‍ය අමාත්‍ය ඩයනා ගමගේ ගේ පාර්ලිමේන්තු මන්ත්‍රී ධූරය අහෝසි කරමින් ශ්‍රේෂ්ඨාධිකරණය අද (08) රිට් ආඥාවක් නිකුත් කර තිබෙනවා. සමාජ ක්‍රියාකාරී ඕෂල හේරත් විසින් ඉදිරිපත් කළ අභියාචනා පෙත්සමක් විභාග කිරීමෙන් අනතුරුවයි ශ්‍රේෂ්ඨාධිකරණය මෙම රිට් ආඥාව ප්‍රකාශයට පත් කර ඇත්තේ. ඩයනා ගමගේ බ්‍රිතාන්‍ය පුරවැසිභාවය හිමි අයෙකු හේතුවෙන් ඇයට මෙරට පාර්ලිමේන්තුවේ අසුන් ගැනීමට නීත්‍යානුකූල සුදුසුකම් නොමැති බවට තීන්දුවක් ලබාදෙන ලෙස ඉල්ලා අදා​ළ පෙත්සම ඉදිරිපත් කර තිබුණා. Buzzer.lk සහ Buzzer Politics සමඟ සම්බන්ධ වීමෙන් තවත් දේශපාලන පුවත් සහ තොරතුරු සොයා ගන්න.

විදේශිකයන් මෙරටට පැමිණිමේදී එක් පුද්ගලයෙකුට දින 30ක Visa බලපත්‍රයක් සඳහා අය කළ ඩොලර් 50ක පැරණි ගාස්තුව එලෙසම පවත්වා ගෙන යාමට ඊයේ (06) රැස්වූ කැබිනට් මණ්ඩලයේදී තීරණය කර තිබෙනවා. තවද ඉන්දියාව, චීනය, රුසියාව, ජපානය, මැලේසියාව, තායිලන්තය, ඉන්දුනිසියාව යන රටවල් හතට මෙතෙක් නොමිලේ සැපයු වීසා සේවාව එසේම ක්‍රියාත්මක කිරීමට තීරණය කර ඇති බවයි ජනාධිපති මාධ්‍ය අංශය සඳහන් කළේ. එසේම මෙරටට විදේශිකයෙකු ඇතුල්වීමේදී අදාළ වීසා නිකුත් කිරීමේ පූර්ණ වගකීම ආගමන විගමන දෙපාර්තමේන්තුව විසින් දරන බව ද ජනාධිපති මාධ්‍ය අංශය වැඩිදුරටත් සඳහන් කළා. Buzzer.lk සහ Buzzer Politics සමඟ සම්බන්ධ වීමෙන් තවත් දේශපාලන පුවත් සහ තොරතුරු සොයා ගන්න.

ප්‍රංශයේ පැරිස් අගනුවරට පැමිණ සිටින, චීන ජනාධිපති ෂී ජින්පින් සහ ප්‍රංශ ජනාධිපති ඉමැනුවෙල් මැක්රොන් අතරේ හමුවක් පැවැත්විණි. ඒ, ප්‍රංශ ජනාධිපතිවරයාගේ ඇරැයුමට අනුව, චීන ජනාධිපතිවරයා ප්‍රංශ ජනාධිපති මන්දිරය ලෙස සැලකෙන එලීසේ මාලියට පැමිණි අවස්ථාවේදීය. චීන ජනාධිපති යුරෝපා රටවල් කීපයක සංචාරය කරයි. ඔහුගේ පළමු නැවැතුම වන්නේ ප්‍රංශයයි. යුරෝපා රටවල් සහ චීනය අතරේ ඇයිහොඳයිකම් පළුදු වී ඇත. ඒ, රුසියන් යුක්රේන යුද්ධයේ දී චීනයයේ සහාය රුසියාවට හිමිවන බැවිනි. පළුදු වුණු සබඳතා යළි ශක්තිමත් කර ගැනීමට චීන ජනාධිපති ජින්පින් මෙම සංචාරයේ අරමුණ බව පැවැසෙයි. චීන ජනාධිපතිවරයා මෙම සංචාරයට එක් වී සිටින්නේ බිරිඳ පෙන්ග් ලුවාන් සහ චීන රජයේ නියෝජිත පිරිසක් ද සමඟය. එලී​සේ මාලිගයට පැමිණි ප්‍රංශ…

දිවයිනේ ප්‍රදේශ කිහිපයක උෂ්ණත්වය අද (06) දිනයේදී “දැඩි අවධානය” යොමුකළ යුතු මට්ටමක් දක්වා ඉහළ යනු ඇති බව කාලගුණ විද්‍යා දෙපාර්තමේන්තුව පවසනවා. උතුරු, උතුරු මැද, වයඹ සහ නැගෙනහිර පළාත්වලත් මොනරාගල දිස්ත්‍රික්කයේත් ඇතැම් ස්ථානවල මිනිස් සිරුරට දැනෙන උණුසුම එලෙස ඉහළ මට්ටමක පවතිනු ඇති බවයි එම දෙපාර්තමේන්තුව සඳහන් කළේ. එමෙන්ම බස්නාහිර, සබරගමු සහ දකුණු පළාත්වල සහ මාතලේ දිස්ත්‍රික්කයේ ඇතැම් ස්ථානවල උණුසුම අවධානය යොමුකළ යුතු මට්ටමක පවතිනු ඇති බවද කාලගුණ විද්‍යා දෙපාර්තමේන්තුව සඳහන් කළා. මෙහිදි ප්‍රමාණවත් පරිදි ජලය පානය කිරීම, සෙවන ඇති ස්ථානවල හැකි පමණ විවේක ගැනීම, එළිමහනේ වෙහෙසකාරී කටයුතු සීමා කිරීම ඇතුළු සෞඛ්‍ය උපදෙස් අනුගමනය කළ යුතු බවයි එම දෙපාර්තමේන්තුව සඳහන් කළේ. දිනපතා…