2021/12/31 වන දිනට සේවා කාලය සම්පූර්ණ කළ හා ගුරු ස්ථාන මාරු ලිපි ලැබී ඇති සියලුම ගුරුවරු ජූනි මස 12 වනදා වන විට සේවා ස්ථානයට වාර්තා කළ යුතු බව අධ්යාපන අමාත්යංශය පවසනවා. යම් ගුරුවරයෙකුට අභියාචනයක් ඉදිරිපත් කිරීමට අවශ්ය නම්, සේවයට වාර්තා කිරීමෙන් පසු විදුහල්පති මඟින් අභියාචනය ගුරු මාරු අංශයට යොමු කළ හැකි බවයි එම අමාත්යංශය සඳහන් කරන්නේ.
මේ සම්බන්ධව අධ්යාපන අමාත්යාංශයේ ගුරු මාරු අංශයට පෞද්ගලිකව පැමිණීම අවශ්ය නොවන බවත් අභියාචනයට යොමු කළ අයදුම්පත් පිළිබඳ අභියාචනා තීරණය කඩිනමින් දැනුම් දෙන බවත් අධ්යාපන අමාත්යංශය වැඩිදුරටත් සඳහන් කරනවා.
