Galle Titans vs Dambulla Aura
2023 ලංකා ප්‍රිමියර් ලීග් ක්‍රිකට් තරගාවලියේ Galle Titans හා Dambulla Aura කණ්ඩායම් අතර පැවති තරගය සුපිරි පන්දුවාරයෙන් ජය ගැනීමට Galle Titans කණ්ඩායම සමත් වුණා. තරගයේ කාසියේ වාසිය දිනාගත් Dambulla Aura කණ්ඩායම පළමුවෙන් පන්දුවට පහරදීමට Galle Titans කණ්ඩායමට ආරාධනා කළ අතර ඔවුන් සිය පන්දුවාර 20 තුළ කඩුලු 5 ක් දැවී ලකුණු 180 ක් ලබා ගත්තා.
පන්දුවට පහරදීමේදී Galle Titans කණ්ඩායම වෙනුවෙන් භානුක රාජපක්ෂ ලකුණු 48 ක්, ශෙවෝන් ඩැනියල් ලකුණු 33 ක් සහ නායක දසුන් ශානක නොදැවී ලකුණු 42 ක් ලබා ගත්තා. පන්දු යැවීමේදී Dambulla Aura කණ්ඩායම වෙනුවෙන් Shahnawaz Dahani කඩුලු 2 ක්ද බිනුර ප්‍රනාන්දු හා ධනංජය ද සිල්වා කඩුලු 1 බැඟින්ද බිඳ හෙළීමට සමත් වුණා.
පිළිතුරු ඉනිම ක්‍රීඩා කළ Dambulla Aura කණ්ඩායමද ලකුණු 180 ක් ලබා ගනිමින් තරගයේ ලකුණු සම තත්ත්වයට පත් වුණා. පන්දුවට පහරදීමේදී Dambulla Aura කණ්ඩායම වෙනුවෙන් ධනංජය ද සිල්වා ලකුණු 43 ක්, කුසල් ජනිත් පෙරේරා ලකුණු 40 ක් ලබා ගැනීමට සමත් වුණා. පන්දු යැවීමේදී Galle Titans කණ්ඩායම වෙනුවෙන් නායක දසුන් ශානක කඩුලු 3 ක්, කසුන් රාජිත කඩුලු 2 ක් දවා ගත්තා.
ඒ අනුව තරගයේ ජගහ්‍රහණය තීරණය කිරීමට සුපිරි පන්දුවාරයක් ක්‍රියාත්මක කළ අතර එහිදී පළමුවෙන් පන්දුවට පහරදුන් Dambulla Aura කණ්ඩායම එක් කඩුල්ලක් දැවී ලකුණු 09 ක් ලබා ගත්තා. ඉන් අනතුරුව ජයග්‍රහණය සඳහා පිටියට පිවිසි Galle Titans කණ්ඩායම ලකුණු 10 ක් ලබා ගනිමින් තරගයේ ජයග්‍රහණය තහවුරු කර ගත්තා.
B-Love Kandy vs Colombo Strikers
2023 ලංකා ප්‍රිමියර් ලීග් ක්‍රිකට් තරගාවලියේ B-Love Kandy කණ්ඩායම හා Colombo Strikers කණ්ඩායම අතර තරගයෙන් ලකුණු 27 ක ජයක් වාර්තා කිරීමට Colombo Strikers කණ්ඩායම සමත් වුණා. ඒ අනුව තරගයේ කාසියේ වාසිය දිනාගත් Colombo Strikers කණ්ඩායම සිය පන්දුවාර 20 තුළ කඩුලු 6 ක් දැවී ලකුණු 157 ක් ලබා ගත්තා. පන්දුවට පහරදීමේදී Colombo Strikers කණ්ඩායම වෙනුවෙන් Babar Azam ලකුණු 59 ක්, නුවනිඳු ප්‍රනාන්දු ලකුණු 28 ක් ලබා ගැනීමට සමත් වුණා.
පිළිතුරු ඉනිම ක්‍රීඩා කළ B-Love Kandy කණ්ඩායමට සිය පන්දුවාර 20 අවසානයේ කඩුලු 8 ක් දැවී ලබා ගත හැකි වූයේ ලකුණු 130 ක් පමණයි. පන්දුවට පහරදීමේදී B-Love Kandy කණ්ඩායම වෙනුවෙන් ඇන්ජලෝ මැතිව්ස් ලකුණු 25 ක් ලබා ගත්තා. පන්දු යැවීමේදී Colombo Strikers කණ්ඩායම වෙනුවෙන් මතීෂ පතිරණ කඩුලු 3 ක්, Naseem Shah හා ජෙෆරි වෙන්ඩෙසේ කඩුලු 2 බැඟින් බිඳ හෙළීමට සමත් වුණා.
Buzzer.lk සහ Buzzer Sports සමඟ සම්බන්ධ වීමෙන් තවත් ක්‍රීඩා පුවත් සහ තොරතුරු දැන ගන්න.
