ශ්රී ලංකා හිටපු ක්රිකට් ක්රීඩක සනත් ජයසූරිය මහතා හිටපු මුදල් අමාත්ය බැසිල් රාජපක්ෂ මහතාට දැඩි දෝෂාරෝපණයක් එල්ල කර තිබෙනවා. ඒ අද පැවති විශේෂ මාධ්ය හමුවේදී හිටපු මුදල් අමාත්ය බැසිල් රාජපක්ෂ මහතා මාධ්ය වෙත අදහස් දැක්වූ ආකාරය පෙන්වා දෙමින්.
මාධ්ය වෙත අදහස් දක්වමින් ශ්රී ලංකා පොදුජන පෙරමුණ (SLPP) මන්ත්රීවරයා ප්රකාශ කළේ තමන් පාර්ලිමේන්තු මන්ත්රී ධූරයෙන් ඉල්ලා අස්වීමට තීරණය කළ බවයි.
යෝජිත 21 වැනි ආණ්ඩුක්රම ව්යවස්ථා සංශෝධනය, වත්මන් ආර්ථික අර්බුදය ඇතුළු මාධ්යවේදීන් නැගූ ප්රශ්න කිහිපයකට ඔහු වැඩිදුරටත් පිළිතුරු දුන්නේය.
මෙම අවස්ථාවට අදහස් දක්වමින් සනත් ජයසූරිය කියා සිටියේ ශ්රී ලංකා පොදුජන පෙරමුණේ මන්ත්රීවරයාගේ මාධ්ය හමුව පිළිබඳව තමන් කලකිරීමට පත්වන බවයි.
“හිටපු අමාත්ය බැසිල් රාජපක්ෂ මහතා පැවැත්වූ මාධ්ය සාකච්ඡාව ගැන මම දැඩි කලකිරීමකට පත් වෙනවා. මෙය විහිළුවක් නොවේ. අපේ රටේ අනාගතය විනාශ වී ඇති අතර ඔබ අඩුම තරමේ වගකීම භාර ගන්නේත් නැත. මේ දේශපාලන නාටක නවත්වන්න. කරුණාකර අවදිවන්න! ” ඔහු ට්වීටර් පණිවිඩයක් සටහන් කරමින් පවසා සිටියේය.
ශ්රී ලංකා පොදුජන පෙරමුණේ ජාතික ලැයිස්තු මන්ත්රී ධුරයෙන් පාර්ලිමේන්තුවට පැමිණි බැසිල් රාජපක්ෂ මහතාට පසුගිය මැයි 09 වැනිදා මහින්ද රාජපක්ෂ මහතා අග්රාමාත්ය ධූරයෙන් ඉල්ලා අස්වීමත් සමඟ එම අමාත්ය ධුරය අහිමි විය. (NW)
