ප්‍රශ්නය මතු විය යුත්තේ හරියටම 12 වෙනිදා කුමක්ද සහ අප කතා කරන්නේ කුමන 12 වෙනිදා ගැනද යන්න පිළිබඳවයි? නමුත් එයට පිළිතුරක් ලබා ගැනීමට නම්, අපගේ මතක මං තීරුව දිගේ ගමන් කල යුතු අතර, පසුගිය වසර 3 තුළ ශ්‍රී ලාංකිකයන් වශයෙන් අප මුහුණ දුන් සිදුවීම් කිහිපයක්ද සිහිපත් කළ යුතුය.
2019 දී රට තුළ ඇති වූ පාස්කු නොසන්සුන්තාවයෙන් ආරම්භ වී වසර 2 ක් පුරා පැවති වසංගතයත් සමඟ රට අවුලින් අවුලට ගියේය. ඉන්පසු ඇතිවුයේ රටේ ආර්ථික අර්බුදය සහ එහි අනිසි විපාකයි. මෙම සංසිද්ධීන් නිසා මානසික ගැටලු, රැකියා අහිමිවීම් සහ ජීවිත අහිමි වීම් ද ඇති බව අපි කවුරුත් දනිමු. දිවයිනේ සංචාරක කර්මාන්තය කේන්ද්‍ර කරගත් ආර්ථිකයක් ලෙස මූලික කර්මාන්තවලින් එකක් වන විනෝදාස්වාද කර්මාන්තය මෙමඟින් දැඩි ලෙස බටකෑ බව බොහෝ දෙනෙක් ට අවබෝධ වී නැත. බොහෝ ආයතන බංකලොත් වීම, ඒවායේ සේවය කල පුහුණු ශ්‍රමිකයන්ට රැකියා අහිමිවීම මෙන්ම එම ශ්‍රමිකයන්ගෙන් යැපුණු ඒ සම්පුර්ණ පවුල් සංස්ථාවම බිඳ වැටීම ඉතා බරපතල ආකාරයෙන් සිදුවිය. ඒ අනුව මේ කර්මාන්තය ආශ්‍රිත පවුල් සහ එහි රැකියාවල නියුතු පුද්ගලයින්ට පසුගිය වසර 3 තුළම කිසිදු ආකාරයේ සංගීත ප්‍රසංගයක් (එළිමහන්, ගෘහස්ථ, DJ) හෝ සිදුවීමක් මතකයට නගාගත නොහැක. මෙම බලපෑම කෙසේ බලපා ඇත්දැයි ඔබට තවමත් සිතා ගත නොහැකිද?
අප්‍රියෙල් 9 ඇරඹි ගෝල්ෆේස් අරගල පටන්ගත් දින සිට බොහෝ සාධණීය කරුණු රාශියක් ජයග්‍රහණය ගත බව නොරහසකි. නමුත් එමඟින් විනෝදාස්වාද කර්මාන්තය හා ඒ ආශ්‍රිත රැකියා කල ආලෝක කරණ ශිල්පීන්, ශබ්ද පරිපාලකයින් සහ ඒ ආශ්‍රිත රැකියා කරන එකී මෙකී නොකී සියලුම පුද්ගලයින්ගේ රැකියා අද වනවිට ඇත්තේ අවින්ශ්චිත මට්ටමකය. එයට අරගලය වගේම දුර්වල පාලනය නිසා ඇතිවී ඇති ආර්ථික අර්බුධය ද වගකිව යුතුබව මතක තබාගත යුතුය.
අප මුහුණ දුන් නොසන්සුන්තා සහ සියලු ආතති වලින් පසු අප තුළට පිවිසෙන සංගීත සංදර්ශනයක් “EventsTalk Live in concert” මෙම ජූලි මස 12 වන දින නෙළුම් පොකුණට සම්ප්‍රාප්ත වේ. ප්‍රමුඛ පෙළේ සංගීත ශිල්පීන් ශිල්පිනියන් කිහිපදෙනෙකු හා ප්‍රමුඛ පරිපූර්ණ සංගීත කණ්ඩායමක් සමඟින් ඔවුන්ට සහයෝගය දැක්වීමට නගර මධ්‍යයේ සියලු ගැටලු හා අවහිරතා ඇතිව වුවද, විනෝදය හා සන්සුන්බව නමැති එන්නත අප සියලු දෙනාටම ලබාදීමට සැරසේ.
සනුක වික්‍රමසිංහ, කාංචන අනුරාධි, වස්ති, දිනේෂ් ගමගේ, කෛසර් කායිස්, රොමේන් විලිස්, DJ Mass, සහ Apzi ගෙන් සමන්විත ආශ්වාද ජනක උණුසුම් ප්‍රසංගයක් සඳහා සූදානම් වන්න. බිලි ප්‍රනාන්දුගේ “2Forty2” සංගීත කණ්ඩායම සහ මාධව විජේසිංහ නිවේදනයෙන් වේදිකාව හසුරුවයි. මෙම උත්සවය සවස 7 ට පරිපූර්ණ සංගීත සැණකෙළියක් සඳහා සුදුසු ස්ථානයක් වූ නෙළුම් පොකුණ එළිමහන් රංඟ භූමියේදී පැවැත්වේ.
එම සහෝදර ලාංකිකයින්ට උදව් කිරීම හොඳ සිතුවිල්ලක් පමණක් නොව, විනෝදාස්වාද කර්මාන්තය මේ රට දිගු කලක් ගෙන ගිය බැවින් එය ආරක්ෂා කිරීම අපගේ යුතුකම යැයි අපි සිතිය යුතුය. බිලියන 32 ක වෙළඳපල වටිනාකමක් ඇති මෙම කර්මාන්තය නැවත දෙපයින් නගා සිටුවා දීම අපගේ යුතුකමක් වන්නේ සෘජු සේවකයින් 200,000 කට ආසන්න සේවකයින් සහ පවුල් 500,000 ගණන් මෙයින් යැපෙන නිසාවෙනි.
වර්තමානයේ රටේ ඇතිවී තිබෙන ආර්ථික අවපාතයත් සමග මෙම කර්මාන්තයට අයත් දේශීය ආයතන රැසක් වැසීයාමේ දැඩි අර්බුදයකට ලක්ව තිබේ. එසේ වුවහොත් ඉහත සඳහන් කල ලක්ෂ ගණනක් වන පවුල් රැසකගේ ජීවිකාව කරගෙන යාමට නොහැකිව දැඩි අසීරුතාවයකට මුහුණ පෑමට සිදිවනු ඇත. මේ ඔබේ දායකත්වය අවශ්‍යම අවස්ථාවයි. අපි අපේ දේශීය ආයතන රැකගමු. සැමවිටම ඔබ ප්‍රසංගයක් සංවිධානය කරන්නේ නම් හෝ ප්‍රසංගයකට ප්‍රවේශපතක් අන්තර්ජාලයෙන් වෙන්කරවගන්නේ නම් සම විටම දේශීය ආයතන පමණක් තෝරාගන්න. රටේ විදේශ විනමය පිටට යා නොදී මේ අවස්ථාවේ රැකගමු.
හදවතින් මෙන්ම ක්‍රියාවෙන් ද අපි ශ්‍රී ලාංකිකයන් වෙමු. ශ්‍රී ලංකික දේ අගයමු. ශ්‍රී ලංකික දේ ගනිමු.
EventsTalk Live in concert ප්‍රවේශ පත්‍ර මිලදී ගැනීම සඳහා පිවිසෙන්න: https://bit.ly/3zwLZlF
ජායාරූප හිමිකාරීත්වය: සාගර ලක්මාල් ද මෙල්
