බලශක්ති අර්බුදයෙන් ගොඩ ඒම සඳහා ආධාර ඉල්ලා රුසියාවට ශ්රී ලංකාවෙන් ඉල්ලීමක් ලැබී ඇති බව රුසියානු මාධ්ය RIA Novosti වාර්තා කරයි. වාර්තාවට අනුව, රුසියානු විදේශ අමාත්යාංශය පැවසුවේ එම ඉල්ලීමට අදාළ විධිවිධාන පිළිබඳ ගැටළු සලකා බලමින් සිටින බවයි. රුසියානු විදේශ අමාත්යාංශය වැඩිදුරටත් පැවසුවේ රුසියාව සහය ලබාදීමේ මීළඟ පියවර සම්බන්ධයෙන් මේ වන විට සලකා බලමින් සිටින බවයි
“මොස්කව් විසින් කොළඹට උදව් කරන්නේ කෙසේද යන ප්රශ්නය තවමත් සලකා බලමින් පවතින අතර ස්ථිර පියවර ගැන කතා කිරීමට තවමත් කල් වැඩියි” යනුවෙන් අමාත්යාංශය වැඩිදුරටත් පැවසීය. ඛනිජ තෙල් නිෂ්පාදන මිලදී ගැනීම සඳහා ශ්රී ලංකාවෙන් කළ ඉල්ලීමක් සම්බන්ධයෙන් රුසියාව සලකා බලමින් සිටින බව ශ්රී ලංකාවේ රුසියානු තානාපති කාර්යාලය ඊයේ අනාවරණ කළා.
රුසියානු තානාපති කාර්යාලයේ පළමු ලේකම් අනස්ටාසියා හැතොල්වා (Anastacia Hathlova) පැවසුවේ රුසියානු සමූහාණ්ඩුව මෙම ක්රියාවලියට සහාය දෙන බවයි.
මේ අතර ශ්රී ලංකාවේ රුසියානු තානාපතිවරයා සහ ශ්රී ලංකාවේ බලශක්ති අමාත්යවරයා අතර මේ සම්බන්ධයෙන් සාකච්ඡාවක් පැවැත්වූ බවට පළ වූ මාධ්ය වාර්තා හත්ලෝවා එහිදී ප්රතික්ෂේප කළේය.
ශ්රී ලංකාව දැනට පවතින ඉන්ධන හිඟයට පිළියම් යෙදීම සඳහා උදව් ඉල්ලා ඇති රටවල් කිහිපය අතරට රුසියාව ද ඇතුළත් වේ.
