ප්‍රමාණවත් සාර්ව ආර්ථික ප්‍රතිපත්ති රාමුවක් ක්‍රියාත්මක වන තුරු ශ්‍රී ලංකාවට නව මූල්‍ය පහසුකම් ලබා දීමට සැලසුම් නොකරන බව ලෝක බැංකුව පවසයි.
මේ අතර නිවේදනයක් නිකුත් කරමින් ලෝක බැංකුව පැවසුවේ, “අනෙකුත් සියලු ප්‍රකාශයන් අතර, bridge loan පහසුකම් හෝ නව ණය බැඳීමක් ලෙස ලෝක බැංකුව ශ්‍රී ලංකාවට ආධාර කිරීමට සැලසුම් කරන බව මෑත කාලීනව පළවූ මාධ්‍ය වාර්ථා සාවද්‍යය ලෙස ප්‍රකාශ කර ඇත.”
ලෝක බැංකුව ශ්‍රී ලංකාවේ ජනතාව ගැන සැලකිලිමත් වන අතර ආර්ථික ස්ථාවරත්වය සහ පුලුල් පදනම් වූ වර්ධනය ප්‍රතිෂ්ඨාපනය කිරීම සඳහා සුදුසු ප්‍රතිපත්ති පිළිබඳව උපදෙස් දීම සඳහා IMF සහ අනෙකුත් සංවර්ධන හවුල්කරුවන් සමඟ සම්බන්ධීකරණයෙන් කටයුතු කරයි.
“අපි දැනට රජයට අත්‍යවශ්‍ය ඖෂධ වර්ග, දිළිඳු සහ අවදානමට ලක්විය හැකි නිවාස සඳහා තාවකාලික මුදල් හුවමාරු කිරීම්, අවදානමට ලක්විය හැකි පවුල්වල දරුවන්ට පාසල් ආහාර සහ ගොවීන් සහ කුඩා ව්‍යාපාර සඳහා ආධාර කිරීම සඳහා කලින් අනුමත කරන ලද ව්‍යාපෘතිවල සම්පත් නැවත සකස් කරමින් සිටින්නෙමු.” යැයි ලෝක බැංකුව තවදුරටත් පැවසීය.
