ශ්‍රී ලංකාවේ ආහාර සුරක්ෂිතතාව වෙනුවෙන් අමෙරිකානු ඩොලර් මිලියන 20ක අමතර පරිත්‍යාගයක් සිදුකරන බව අමෙරිකානු ජනාධිපති ජෝ බයිඩන් ප්‍රකාශ කර තිබෙනවා.
අද පැවති G7 සමුළුවේදී ජනපතිවරයා මේ බව ප්‍රකාශ කර ඇති බවයි කොළඹ පිහිටි අමෙරිකානු මහ කොමසාරිස් කාර්යාලය සඳහන් කරන්නේ.
මේ යටතේ ඉදිරි මාස 15 තුළ ශ්‍රී ලංකාවේ දරුවන් 800,000 කට වැඩි පිරිසකට පෝෂණය සහ 27,000 කට අධික ගර්භණී සහ කිරි දෙන කාන්තාවන් සඳහා ආහාර වවුචර ලබා දෙන අතර පාසල් පෝෂණ වැඩසටහනකට සහාය වීම මෙම අරමුදල්වල අරමුණ බවයි සඳහන් වන්නේ.
