අත්‍යාවශ්‍ය ඖෂධ USD මිලියන 2.2 ක පරිත්‍යාගයක් හරහා බංග්ලාදේශය ශ්‍රී ලංකාව වෙනුවෙන් සිය කැපවීම යලි අවධාරණය කර ඇත.
සෞඛ්‍ය අමාත්‍යාංශය පැවසුවේ, බංග්ලාදේශ මහ කොමසාරිස් ටරෙක් එම්. ඩී. ඉස්ලම් විසින් ඇමරිකානු ඩොලර් මිලියන 2.2 ක් වටිනා අත්‍යාවශ්‍ය ඖෂධ පරිත්‍යාගයක් සෞඛ්‍ය අමාත්‍ය වෛද්‍ය කෙහෙළිය රඹුක්වැල්ල මහතා වෙත අද භාරදුන් බවයි.
මෙම පරිත්‍යාගය පිළිකා මර්දන, අධි රුධිර පීඩනය, ප්‍රතිජීවක මුඛ සහ එන්නත්, ප්‍රතිවෛරස්, අපස්මාර මර්දන, සහ ඇදුම මර්දන ඖෂධ ඇතුළු අත්‍යාවශ්‍ය ඖෂධ 79කින් සමන්විත වේ.
මෙම දුෂ්කර අවස්ථාවේදී ශ්‍රී ලංකාවට සහය වීමට බංග්ලාදේශය සතුටු වන බවත්, ඓතිහාසික වශයෙන් ඔවුන් සමඟ සබඳතා ඇති රටකට සහය වීමට මෙම අවස්ථාව ලැබීම ගෞරවයට කරුණක් බවත් මහ කොමසාරිස්වරයා ප්‍රකාශ කළේය.
ඉදිරියේදී ශ්‍රී ලංකාවට හැකි ඕනෑම ආකාරයකින් සහය වීමට ඔවුන් පෙනී සිටින බවද ඔහු ප්‍රකාශ කළේය.
මේ අතර, කාලෝචිත පරිත්‍යාගය සම්බන්ධයෙන් බංග්ලාදේශ මහ කොමසාරිස්වරයාට, බංගලාදේශ රජයට සහ බංග්ලාදේශ ජනතාවට ස්තූතිය පළ කළ අමාත්‍ය රඹුක්වැල්ල, දෙරට අතර සබඳතාව තවදුරටත් ශක්තිමත් කර ගැනීමට තම කැමැත්ත පළ කළේය.
ඖෂධ කර්මාන්තය තුළ දෙරටේ සහයෝගයෙන් කටයුතු කිරීම සහ වෛද්‍ය ක්ෂේත්‍රය තුළ මානව සම්පත් හුවමාරු කර ගත හැකි ආකාරය පිළිබඳව ද මහ කොමසාරිස්වරයා සහ අමාත්‍යවරයා සාකච්ඡා කළහ. (NW)
