පාකිස්තානයට එරෙහිව හෙට 16 වැනිදා ආරම්භ වීමට නියමිත තරග දෙකකින් සමන්විත ටෙස්ට් තරගාවලිය සඳහා නම් කළ 18 දෙනකුගෙන් යුත් ශ්‍රී ලංකා සංචිතයෙන් වමතින් දඟ පන්දු යවන්නන් වන ප්‍රවීන් ජයවික්‍රම සහ ලසිත් ඇඹුල්දෙණිය ඉවත් කර තිබීම බලාපොරොත්තු වූ දෙයකි.
ඕස්ට්‍රේලියාවට එරෙහිව ටෙස්ට් මංගල ටෙස්ට් තරගයේදී වාර්තාගත කඩුලු 12ක් දවාගත් ප්‍රභාත් ජයසූරිය සහ පසුගිය සතියේ දෙවැනි ටෙස්ට් තරගයට පෙර කොවිඩ් ප්‍රශ්නය මත සංචිතයට ඇතුළත්ව සිටි දුනිත් වෙල්ලාලගේද ඇතුළත් කර ඇති වඩා අත්දැකීම් අඩු වමත් දඟපන්දු යවන්නන්ය.
ඇඹුල්දෙණිය සහ ජයවික්‍රම යන දෙදෙනාම කණ්ඩායමෙන් ඉවතට ගොස් ඇත්තේ මෑතකදී පෙන්වූ අඩු දස්කම් නිසා ය. ඇඹුල්දෙණිය සිය අවසන් ටෙස්ට් තරග දෙකේදී එක් කඩුල්ලකට පමණක් හිමිකම් කියමින් ලකුණු 177ක් ලබාදුන් අතර ජයවික්‍රම මැයි මාසයේදී ඩකාහිදී පැවැති ටෙස්ට් තරගයකදී ලකුණු 155ක් ප්‍රති වාදීන්ට ලබාදී කඩුලු ලබාගැනීමට ද අපොහොසත් වුනි.
19 හැවිරිදි වෙල්ලාලගේ ටෙස්ට් තරගයකට ක්‍රීඩා කර නැතත්, ඔස්ට්‍රේලියාවට එරෙහිව ශ්‍රී ලංකාව ලැබූ එක්දින තරඟාවලියේ ජයග්‍රහණයේ වැඩිම කඩුලු ලාභියා ඔහු විය. ඔහු විශ්වාසදායි පිතිකරණයක් ද ලබා දිය හැකි දක්ෂ තුන් ඉරියව් ක්‍රීඩකයෙකි.
සංචිතය තේරීමේදී ශ්‍රී ලංකාව කඩුලු රකින්නන් දෙදෙනෙකු නම් කිරීමේ අසාමාන්‍ය පියවරක් ද ගෙන ඇත – එක් ක්‍රීඩකයෙක් වත්මන් නිරෝෂන් දික්වැල්ල වන අතර පසුගිය තරඟ දෙකේදී විශේෂඥ පිතිකරුවෙකු ලෙස ක්‍රීඩා කළ දිනේෂ් චන්දිමාල් අනික් ක්‍රීඩකය වනවා.
පිතිකරණ පෙරමුණේ විශේෂ විස්මයන් නොමැත. කමිඳු මෙන්ඩිස් මේ සතියේ සිය පළමු ටෙස්ට් ඉනිමේදීම අර්ධ ශතකයක් වාර්තා කිරීමෙන් පසු ස්ථානය තහවුරු කර ගැනීමට සමත් වී ඇත. එහෙත් හෙට බොහෝවිට ධනංජය සිල්වා ක්‍රීඩා කිරීම සිදු විය හැක.
පළමු ටෙස්ට් තරගය ජූලි 16 වැනිදා ගාල්ලේදීත්, දෙවැනි තරගය ජූලි 24 වැනිදා කොළඹදීත් පැවැත්වේ. මෙම තරගමාලාව ලෝක ටෙස්ට් ශූරතාවලියේ කොටසක් වන අතර දැනට ශ්‍රී ලංකාව තුන්වන ස්ථානයටත් පකිස්ථානය සිව්වන ස්ථානයටත් පත්ව ඇත.
බොහෝවිට ජයග්‍රාහී 11 දෙනාම ක්‍රීඩා කිරීමට බොහෝ ඉඩකඩ ඇති බව දෙස් විදෙස් ක්‍රීඩා විචාරකයෝ පවසති.
සංචිතය: දිමුත් කරුණාරත්න (නායක), පැතුම් නිශ්ශංක, ඕෂද ප්‍රනාන්දු, ඇන්ජලෝ මැතිව්ස්, කුසල් මෙන්ඩිස්, ධනංජය ද සිල්වා, කමිඳු මෙන්ඩිස්, නිරෝෂන් දික්වැල්ල (WK), දිනේෂ් චන්දිමාල් (WK), රමේෂ් මෙන්ඩිස්, මහේෂ් තීක්ෂණ, කසුන් රාජිත, අසිත ප්‍රනාන්දු, ඩිල්ෂාන් මධුශංක, ප්‍රභාත් ජයසූරිය, දුනිත් වෙල්ලාලගේ සහ ජෙෆ්රි වැන්ඩර්සේ.
ක්‍රීඩා පුවත් පිළිබඳ වැඩිදුර දැන ගන්න Buzzer.lk සහ Buzzer Sports සමඟින් එකතුවන්න.
