මෙම සති අන්තයේ තවත් ද්‍රව පෙට්‍රෝලියම් ගෑස් (LPG) මෙට්‍රික් ටොන් 2,500ක නැව්ගත කිරීමක් ශ්‍රී ලංකාවට පැමිණීමට අපේක්ෂා කරන බව ලිට්‍රෝ ගෑස් ලංකා ලිමිටඩ් ආයතනය පවසයි.
එල්පී ගෑස් මෙට්‍රික් ටොන් 3,950ක පමණ තොගයක් ඊයේ (මැයි 30) දිවයිනට පැමිණි බවත්, ගොඩබෑම ඊයේ සවස ආරම්භ වූ බවත් එම සමාගම ප්‍රකාශ කළේය.
ඒ අනුව අද (මැයි 31) සිට සිකුරාදා (ජුනි 03) දක්වා දිනකට ගෑස් සිලින්ඩර 50,000ක් දිවයින පුරා බෙදා හැරීමට නියමිතය.
මේ අතර කොළඹ සහ ගම්පහ දිස්ත්‍රික්ක සඳහා ගෑස් සිලින්ඩර සියයට 60ක් හෙවත් 30,000ක් පමණ බෙදා හැරීමට නියමිතයි.
