නීත්‍යානුකුල නොවන අන්දමින් මෙරටට ගෙන්වූ අධි සුඛෝපභෝගී මෝටර් රථ කිහිපයක් ඔරුගොඩවත්ත රේගු අංගනයේ තිබී සොයාගෙන තිබෙනවා.
සොයාගැනීම් වලට අනුව Mercedes Benz Maybach, Audi A1, Fiat වර්ගවල මෝටර් රථ 5ක් රේගුව විසින් සොයාගෙන ඇති බවයි රේගු දෙපාර්තමේන්තුව සඳහන් කළේ.
ඉහත සඳහන් වූ මෝටර් රථ එක්සත් රාජධානියේ සිට මෝටර් රථ අමතර කොටස් ලෙස මෙරටට රැගෙනවිත් ඇති අතර අදාළ මෝටර් රථ වැඩිදුර පරීක්ෂණ කටයුතු සඳහා රේගු භාරයට ගෙන ඇති බවයි ඔවුන් වැඩිදුරටත් සඳහන් කළේ.
