ජනතාව අතර පවතින විවිධ රෝග මර්දනය කිරීම සඳහා දැනට පවතින ඖෂධීය ගුණ සහිත වී වර්ග 4100ක් අතරින් පැරණි වී වර්ග ප්රවර්ධනය කිරීමට මිනුවන්ගොඩ කෘෂිකර්ම සම්පත් සංරක්ෂණ ගොවි සංවිධානය කටයුතු කරයි.
මෙම වී වර්ග සමහරක් අද්විතීය ඖෂධීය ගුණයෙන් යුක්ත වන අතර මිනුවන්ගොඩ කෘෂිකර්ම සම්පත් සංරක්ෂණ ගොවි සංවිධානයේ ගොවීන් විසින් මිනුවන්ගොඩ ප්රදේශයේ පැතිරී ඇති කුඹුරු කිහිපයක මෙම සහල් වර්ග වගා කර ඇත. ශ්රී ලංකා ඉතිහාසයේ සහල් වර්ග 5,719ක් විවිධ යුගවල වගා කර ඇති අතර ඉන් වී වර්ග 4,100ක් පමණ මේ වන විට සොයාගෙන ඇති බව මිනුවන්ගොඩ කෘෂිකර්ම සම්පත් සංරක්ෂණ ගොවි සංවිධානයේ සභාපති ඩබ්ලිව්.පී. විමලදාස මහතා පැවසීය.
මිනුවන්ගොඩ ප්රදේශයේ වැවෙන මෙම විශේෂ සහල් වර්ග අතර ස්නායු ශක්තිය වර්ධනය කිරීමටත්, දුර්වල ශරීර කොටස් ප්රබෝධමත් කිරීමටත්, ශක්තිමත් සිරුරක් ඇති කිරීමටත්, විශේෂයෙන්ම වකුගඩු ගල් දිය කිරීමටත් පොක්කලි සහල් ප්රකටය.
රත්දල් කුඩා දරුවන්ට පෝෂ්යදායී වන අතර මයිහනල් ආගමික කටයුතු සඳහා විශේෂ වන අතර බාල මහලු අයට සෞඛ්ය සම්පන්න ආහාරයකි.
පච්ච පෙරුමාල් හාල දියවැඩියාවට එරෙහිව සටන් කිරීමට හොඳය. “රතු හීනටි, සුදු හීනටි, වැද හීනටි වගේ හීනටි සහල් වර්ග 20ක් විතර තියෙනවා” විමලදාස පැවසීය. “වර්තමානයේ මේ ඉපැරණි සහල් වර්ගවලට විදේශ ඉල්ලුමත් වැඩිවෙලා. කාබනික පොහොර යොදා මේ වී වර්ග වගා කළ හැකි නම් රටට පහසුවෙන් විදේශ මුදල් උපයා ගත හැකියි. එය ගොවීන්ට ලාභදායී රැකියාවක් වනු ඇත”.
