සුපිරි යාත්රා බෝහෝ විට භාවිතා කරන්නේ ලෝකයේ ප්රකට ව්යාපාරිකයන් දේශපාලඥයින් සහ ප්රභූ පැළැන්තියේ ධනවත් උදවියයි.
නමුත් Earth 300 ලෙසින් හැඳින්වෙන අඩි 984 ක් (මීටර 300) දිගින් යුක්ත මීටර 60 ක පළලින් යුක්ත මේ සුපිරි යාත්රාව නිර්මාණය වන්නේ එවැන්නකට නම් නොවේ.
මෙය සම්පූර්ණයෙන්ම සාදවා ඇත්තේ විද්යාත්මක ගවේෂණ, සාගර ගවේෂණ සහ මේ වන විට සමස්ථ ලෝකයම මුහුණ දී සිටින කොරෝනා වසංගතය වැනි ගෝලීය අර්බුධ හමුවේ. ගොඩබිමට පැමිණීමෙන් වැළකී සිට විවිධ ඖෂධ හා ප්රතිකාර ආදිය නිපදවීමට හැකි වන පරිදියි.
(The Last Ship රූපවාහිනී කථා මාලාව මෙන්) නාවික ගෘහ නිර්මාණ ශිල්පියෙකු වන Ivan Salas Jefferson ගේ සම්පූර්ණ අධීක්ෂණය යටතේ ඉදි කෙරුණු මෙම යාත්රාව සතුව අති නවීන රසායනාගාර සහ විද්යාගාර 22 කට වැඩි සංඛ්යාවක් ඇත.
Earth 300 හි පරීක්ෂනාගාරය පිහිටා ඇත්තේ පිටුපස ඇති කළු පැහැති ගෝලය තුලයි. සැබැවින්ම Earth 300 විද්යා නගරයකට සමානය. එමෙන්ම මේ Earth 300 යාත්රාව තුල ගැඹුරු සාගරය ගවේෂණය කළ හැකි නවීනතම යාත්රා සමූහයක් ද තිබෙන බව මේ වන විට හෙළි කර තිබේ.
මීට අමතරව කෘතීම බුද්ධිය සහ රොබෝ තාක්ෂණයත් මෙහි භාවිතා කරනු ලබයි. මෙම යාත්රාවේ ඉදිරිපස වහලෙහි හෙලිකොප්ටර් යානා ගොඩබෑම සඳහා ඉදි කෙරුණු හෙලිකොප්ටර් අංගනයක්, පර්යේෂකයන්ට විවේක ගැනීම සඳහා නිරීක්ෂණ තට්ටුවකින්ද වෙනත් සැප පහසුකම් වලින්ද සමන්විත වේ.
මේ යාත්රාවේ 400 කට වැඩි පිරිසකට පහසුකම් ඇති අතර විද්යාඥයින් 160 ක්, විශේෂඥයින් 20 ක්, සිසුන් 20 ක්, ප්රභූ අමුත්තන් 40 ක්, කාර්ය මණ්ඩලයේ 165 දෙනෙකුට පහසුකම් තිබේ.
එමෙන්ම මෙම සුපිරි යාත්රාව විමෝචන රහිත මුළුමනින් පරිසර හිතකාමී යාත්රාවකි. MSR ලෙස හැඳින්වෙන පරිසර හිතකාමී තාක්ෂණයකින් බලගැන්වෙන මෙය 2025 වසරේදී සේවය සඳහා යෙදවීමට නියමිතය. (aayubo)
එහෙමනම් මේ ආටිකල් එක ෂෙයාර් කරන ගමන් ඔබේ අදහස් කමෙන්ට් සෙක්ෂන් එක ඒ පළ කරන්නත් අමතක කරන්න එපා.
Buzzer.lk සහ Buzzer Science & Technology සමඟ සම්බන්ධ වීමෙන් තවත් මෙවැනිම විස්තර දැන ගන්න.
