බ්රෝඩ්ලන්ඩ් ජල විදුලි ව්යාපෘතිය හේතුවෙන් කිතුල්ගල ප්රදේශය කේන්ද්ර කර ගනිමින් ක්රියාත්මක වන ලෝක ප්රකට ක්රීඩාවක් වන වයිට් වෝටර් රාෆ්ටින් (white water Rafting) ජල ක්රීඩාව ආශ්රිතව මතුව ඇති ගැටළු සොයා බලා ඊට ලබාදිය හැකි විසඳුම් පිළිබඳ නිර්දේශ ඉදිරිපත් කිරීම සදහා කමිටුවක් පත්කිරීමට ජනාධිපති ලේකම් සමන් ඒකනායක උපදෙස් ලබාදී තිබෙනවා.
මේ පිළිබඳව පෙරේදා (23) පස්වරුවේ ජනාධිපති කාර්යාලයේ පැවති සාකච්ඡාවේදී මෙම උපදෙස් ලබාදී ඇති බවයි සඳහන් වන්නේ.
සංචාරක අමාත්යාංශයේ සහ රේඛීය ආයතන වල නිලධාරීන්ගෙන් සමන්විතව පත් කෙරෙන මෙම කමිටුව මගින් ඒ ආශ්රිතව ඉදිරිපත්ව ඇති ගැටළු පිළිබඳ ක්ෂේත්ර පරීක්ෂණයක් සිදුකර සති දෙකක් ඇතුළත වාර්තාවක් ලබා දෙන ලෙස ද ජනාධිපති ලේකම්වරයා උපදෙස් දුන් බවයි ජනාධිපති මාධ්ය අංශය සඳහන් කළේ.
