අනුරාධපුර පුදබිම සංචාරකයින් වැඩි වශයෙන් ආකර්ෂණය කර ගත හැකි ස්ථානයක් ලෙස සංවර්ධනය කිරීමට රජයේ අවධානය යොමුව ඇති අතර ඒ සම්බන්ධයෙන් යෝජනා ඉදිරිපත් කිරීමට විශේෂඥ කමිටුවක් පත් කිරීමට නියමිතයි.
ප්‍රංශය වැනි ඓතිහාසික ස්ථාන සංචාරක ආකර්ෂණ ස්ථාන බවට පත් කරන විදේශ රටවලින් ද කමිටුව උපදෙස් ලබා ගනු ඇත.
අනුරාධපුරය සංචාරක ආකර්ෂණයක් ලෙස සංවර්ධනය කිරීමට ජනාධිපති රනිල් වික්‍රමසිංහ මහතා උනන්දු වී ඇත. ජපානය, දකුණු කොරියාව, චීනය, මියන්මාරය, තායිලන්තය, ලාඕසය, කාම්බෝජය, සහ වියට්නාමය යන රටවලින් වැඩි සංචාරකයින් පිරිසක් අනුරාධපුරයට ගෙන්වා ගැනීම සහ මෙරටට සංචාරක පැමිණීම් වැඩි කිරීම මෙම වැඩසටහනේ අරමුණයි.
සංචාරකයින් ඊජිප්තුවේ ඓතිහාසික නගරවල සතියක් පමණ ගත කරන නමුත් අනුරාධපුරයට පැමිණෙන බොහෝ විදේශීය සංචාරකයින් ගත කරන්නේ දින භාගයක් පමණි.
