ශ්‍රීලංකන් ගුවන් සේවයේ හි නඩත්තු සහ අලුත්වැඩියා කිරීමේ (Maintenance, Repair and Overhaul) අංශය වන ශ්‍රීලංකන් ඉංජිනේරු අංශය (SriLankan Engineering) , තායිලන්ත ගුවන් සේවා අධිකාරිය (Civil Aviation Authority of Thailand) විසින් විදේශීය ගුවන් යානා අලුත්වැඩියා මධ්‍යස්ථානයක් සහ අනුමත නඩත්තු ආයතනයක් (Approved Maintenance Organization) ලෙස සහතික කර ඇත. මෙම සුවිශේෂී සහතිකය සමඟින් තායිලන්තයේ ලියාපදිංචි ගුවන් යානා ක්‍රියාකරුවන්ට සහ ගෝලීය ගුවන් යානා බදු දෙන්නන්ට අවම පිරිවැයකින් ගුණාත්මක නඩත්තු සහ අලුත්වැඩියා කිරීමේ පහසුකම් ශ්‍රීලංකන් ඉංජිනේරු අංශය වෙතින් සෘජුවම ලබා ගැනීමට හැකිය.
මෙම අනුමැතිය යටතේ, ශ්‍රීලංකන් ඉංජිනේරු අංශයට එයාර්බස් (Airbus) A320 මාදිලියේ ගුවන් යානා සඳහා මූලික නඩත්තු සහ පරීක්ෂාවන් (base maintenance and heavy checks) සහ එයාර්බස් (Airbus) A320 , එයාර්බස් (Airbus) A350 , බෝයිං (Boeing) 777 සහ 787 මාදිලියේ ගුවන් යානා සඳහා රේඛීය නඩත්තු (line maintenance), අලුත්වැඩියා සහ පරිපූර්ණ කිරීම් (component repair and overhaul) මෙන්ම හානිදායක නොවන පරීක්ෂණ (non-destructive testing) ඇතුළු පුළුල් නඩත්තු සහ අලුත්වැඩියා කිරීමේ (MRO) සේවා සැපයීමට අවසර ඇත.
තායිලන්ත ගුවන් සේවා අධිකාරිය (Civil Aviation Authority of Thailand) ලබාදුන් මෙම සහතිකය සමඟින් තායි ගුවන් සමාගම් මෙන්ම ගුවන් යානා බදු දෙන්නන් සමඟ සහයෝගිතාවයෙන් කාර්ය සාධනය වැඩිදියුණු කිරීම, ගුවන් යානා රඳවා ගැනීමේ (Aircraft On Ground) කාලය අවම කිරීම, සහ පිරිවැය කාර්යක්ෂමතාව ඉහළ නැංවීම වැනි නඩත්තු සහ අලුත්වැඩියා කිරීමේ සේවා සැපයීමට ශ්‍රීලංකන් ඉංජිනේරු අංශයට ඉහළ පිළිගැනීමක් ලැබේ.
ශ්‍රීලංකන් ඉංජිනේරු අංශයේ හැකියාවන් සහ පාරිභෝගික සේවා ප්‍රවේශයන් ජාත්‍යන්තර ඇගයීමට ලක්ව තිබේ. යුරෝපා සංගමයේ ගුවන් සේවා ආරක්ෂණ ඒජන්සිය (EASA-European Union Aviation Safety Agency), ශ්‍රී ලංකා සිවිල් ගුවන් සේවා අධිකාරිය (Civil Aviation Authority of Sri Lanka), සහ තවත් බොහෝ ජාත්‍යන්තර පිළිගැනීම් ලබා ඇති ශ්‍රීලංකන් ඉංජිනේරු අංශය සිය තාක්ෂණික විශිෂ්ටත්වය සහ පාරිභෝගික සේවාව තුළින් නඩත්තු සහ අලුත්වැඩියා කිරීමේ (MRO) විශ්වසනීය සැපයුම්කරුවෙකු ලෙස ලොව ඉහළ කීර්තියක් සහ පිළිගැනීමක් ලබා ගැනීමට සමත් වී ඇත. වැඩි විස්තර දැනගැනීම සඳහා පිවිසෙන්න: www.srilankanengineering.com
