බහරේනයේ පැවැත්වෙන ආසියානු යොවුන් ක්රීඩා උළෙලේ ඊයේ (23) පැවති පිරිමි මීටර 1500 ඉසව්වේ රන් පදක්කම දිනාගැනීමට ළහිරු අචින්ත සමත් විය.
තරගය අවසන්කිරීම සඳහා ඔහු විනාඩි 3.57.42ක කාලයක් ගත කළේය.
මෙහි රිදී පදක්කම විනාඩි 3.58.73කින් තරගය අවසන්කළ චීන ක්රීඩකයෙකු දිනාගත් අතර, ලෝකඩ පදක්කම හොංකොං දේශයේ ක්රීඩකයෙකු දිනාගත්තේය.
ඔහු විනාඩි 4.05.09කින් තරගය අවසන් කළේය.
ළහිරු අද දිනාගත් මෙම පදක්කම ආසියානු යොවුන් ක්රීඩා උළෙල ඉතිහාසයේ ශ්රී ලාංකිකයෙකු දිනාගත් පළමු රන් පදක්කම ලෙස වාර්තා අතරට එක්විය.
එසේම ඊයේ (23) පැවති කාන්තා මීටර 1500 ඉසව්වේ ලෝකඩ පදක්කම දිනාගැනීමට නෙත්මි ගිම්හානි සමත් වූවාය.
මෙම තරගාවලියේ ශ්රී ලංකාව දිනූ පළමු පදක්කම එය වේ.
තරගය අවසන් කිරීම සඳහා ඇය මිනිත්තු 4.52.32ක කාලයක් ගත කළාය.
මෙම පදක්කමත් සමග මෙම තරගාවලියේ ශ්රී ලංකාව දිනූ පදක්කම් සංඛ්යාව 02ක් දක්වා ඉහළ ගියේය.
