නායක ශෙවෝන් ඩැනියෙල් අවසන් තරගයේ දී හුදෙකලා සටනක නිරත වූවද අබුඩාබි නුවර පැවැත්වෙන වයස අවුරුදු 19 න් පහළ තුන්කොන් එක්දින ක්‍රිකට් තරගාවලියේ අවසන් මහ තරගයට සුදුසුකම් ලබා ගැනීම සඳහා ශ්‍රී ලංකා යොවුන් කණ්ඩායමට තිබූ අවසන් අවස්ථාව පෙරේදා (28 වැනිදා) අහිමිව ගියේය.
ඒ ඇෆ්ගනිස්තානයට එරෙහිව පැවැති තරගයෙන් ලකුණු 04 ක තියුණු පරාජයක් අත්විඳීමට ශ්‍රී ලංකා පිලට සිදු වූ බැවිනි.
මෙම තරගාවලියේ කණ්ඩායමක් රැස් කරන ලද ඉහළම ලකුණු සංඛ්‍යාව සටහන් කරමින් ඇෆ්ගනිස්තානු පිල නියමිත පන්දුවාර 50 අවසනදී කඩුලු 7 කට ලකුණු 323 ක් ලබා ගත් අතර, එය හඹා යෑමේදී ශ්‍රී ලංකා පිල පන්දුවාර 49.3 කදී ලකුණු 319 කට සියලු දෙනා දැවී ගියහ.
ඒ අනුව එම තරගාවලියේ අවසන් මහා තරගය සඳහා ඇෆ්ගනිස්තානය සහ බංග්ලාදේශය සුදුසුකම් ලබා ගත්තේය.
ඇෆ්ගනිස්තානය පන්දුවාර 50 කදී කඩුලු 7 ට ලකුණ 323 යි – (නෝමන් ෂා 116, සස්බුල්ලා ඩොරනි 39, සුලිමන් අරබාසායි 12, සොහෙල් ඛාන් 52, කම්රන් හෝටක් 13, නසීර් හසන් 14, විශ්ව රාජපක්ෂ 56/2, දිනුර කලුපහන 76/2, විශ්ව ළහිරු 41/2)
ශ්‍රී ලංකාව පන්දුවාර 49.3 කදී සියලු දෙනා දැවී ලකුණු 319 යි – (ෂෙවෝන් ඩැනියල් 140, විශේන් හැළඹගේ 14, දිනුර කලුපහන 47, හිරාන් ජයසුන්දර 17, මල්ෂ තරුපති 18, විශ්ව රාජපක්ෂ 26, දුවිදු රණතුංග 27, බශීර් අහමඩ් 54/7, කම්රන් හොතක් 37/2)
(දිවයින)
Buzzer.lk සහ Buzzer Sports සමඟ සම්බන්ධ වීමෙන් තවත් ක්‍රීඩා පුවත් සහ තොරතුරු දැන ගන්න.
