උඩරට ඇසළ පෙරහර මංගල්‍යයේ ආරම්භය සනිටුහන් කරමින් සිව්මහා දේවාලයන්හි කප් සිටවීම අද (29) අළුයම 03.03 ට යොදුන සුභ මුහුර්තියෙන් සිදුවිය.
ඊයේ අලුයම් කාලයේදී අලුත්නුවර ශ්‍රී දැඩිමුණ්ඩ දේවාලයෙන් කප් රැගත් පෙරහර ගමන් ආරම්භ කර තිබුණා.
නාථ, විෂ්ණු, කතරගම සහ පත්තිනි යන සිව්මහා දේවාලයන්හි ඒ අයුරින් කප් සිටුවීම සිදුකෙරුණු අතර එතැන් පටන් දින පහක් සිව්මහා දේවාලයන්හි අභ්‍යන්තර පෙරහැර පැවැත්වීමෙන් අනතුරුව ඇසළ පෙරහර වීදි සංචාරය කිරීමට නියමිතය.
ඒ අනුව ඇසල පෙරහර මංගල්‍යයේ පළමු කුඹල් පෙරහර අගෝස්තු 02 වැනිදා ආරම්භ වන අතර රන්දෝලි පෙරහර අගෝස්තු 07 ඇරඹෙන අතර, අවසන් රන්දෝලි මහ පෙරහර අගෝස්තු 11 වැනිදා වීථි සංචාරය කිරීමට නියමිතයි.
