ශ්‍රී ලංකා අභ්‍යන්තර සංචාරක ක්‍රියාකරුවන්ගේ සංගමය (SLAITO) විසින් වාර්ෂිකව සංවිධානය කරනු ලබන සංචාරක උදාව 2023, සංචාරක ප්‍රදර්ශනය 10 වැනි වරටත් 2023 මැයි 19/20 දෙදින කොළඹ BMICH හිදී පැවැත්විණි. කුඩා හා මධ්‍යම සංචාරක සේවා සපයන්නන්ට ඔවුන්ගේ යෝජනා සහ ඉදිරිපත්කිරීම් ප්‍රදර්ශනය කිරීමට සහ වටිනා සම්බන්ධතා ඇති කර ගැනීමට වේදිකාවක් ලෙස සංචාරක උදාව හැදින්විය හැකිය.
COVID-19 වසංගතය හේතුවෙන් අභියෝගවලට මුහුණ දී සිටින ශ්‍රී ලංකාවේ සංචාරක කර්මාන්තය පුනර්ජීවනය කිරීමට සුවිශේෂී කාර්යභාරයක් ඉටු කරමින් ප්‍රදර්ශන කුටි 200කට අධික සංඛ්‍යාවක් සහ දහස් සංඛ්‍යාත නරඹන්නන් සමඟින්, සංචාරක උදාව 2023 ක්ෂේත්‍රයේ වෘත්තිකයන්ගේ සහ මහජනතාවගේ ප්‍රශංසාවට ලක්විය.
මෙහිදී සහභාගිවන්නන් සඳහා විවිධ ප්‍රතිලාභ ලබා දුන් අතර, අනාගත ගනුදෙනුකරුවන්ට වැඩි අවධානයක් සහ සංචාරක වෘත්තිකයන් සමඟ සම්බන්ධ වීමේ අවස්ථාවද, ප්‍රදර්ශකයින්ට තම නිෂ්පාදන සහ සේවාවන් විවිධ ප්‍රේක්ෂකයින් වෙත ප්‍රදර්ශනය කිරීමට මෙන්ම, රාජ්‍ය නිලධාරීන් සහ කර්මාන්තයේ ඉහළ නිලධාරීන් සමග සම්බන්ධ වීමටද අවස්ථාව හිමිවිය.
“ශ්‍රී ලංකාවේ සංචාරක කර්මාන්තය පුනර්ජීවනය” යන්න මෙවර උත්සවයේ තේමාව විය. සංචාරක උදාව, 2023 වර්ෂයේ ශ්‍රී ලංකාවේ හොඳම සංචාරක නිෂ්පාදන සහ සේවාවන් ප්‍රදර්ශනය කළ අතර, දේශීය හා විදේශීයයන්ගේ අවධානය සහ උනන්දුව ආකර්ෂණය කර ගන්නා ලදී.
ප්‍රදර්ශනයට සමගාමීව, සහභාගිවන්නන් විවිධ සංචාරක ආශ්‍රිත මාතෘකා පිළිබඳ සම්මන්ත්‍රණ සහ වැඩමුළු සදහා සහභාගී වීමට අවකාශය ලත් අතර, කර්මාන්ත ප්‍රවණතා සහ වර්ධනයන් පිළිබඳ අවබෝධයක් එමගින් ලබා ගන්නා ලදී. සංචාරක උදාව, ශ්‍රී ලංකාවේ සංචාරක කර්මාන්තයට දිරිගැන්වීමක් ලබා දෙනවා පමණක් නොව අනාගත වර්ධනය සහ සහයෝගීතාවය සඳහා වේදිකාවක් ද නිර්මාණය කරයි. සංචාරක උදාව අඛණ්ඩව විකාශනය වෙමින් හා ව්‍යාප්ත වෙමින් පවතින බැවින්, එය ශ්‍රී ලංකාවේ ප්‍රමුඛතම සංචාරක ප්‍රදර්ශනය ලෙස එහි ස්ථානය තහවුරු කර ගනිමින්, හවුල්කාරිත්වයන් පෝෂණය කරමින් සහ රටේ සංචාරක ක්ෂේත්‍රය ඉදිරියට ගෙන යමින් සිටියි. ගෙවී යන සෑම වසරකම, මෙම උත්සවය ශ්‍රී ලංකාවේ සංචාරක කර්මාන්තයේ අඛණ්ඩ සාර්ථකත්වයට සහ සංවර්ධනයට දායක වෙමින් වැඩි සහභාගිවන්නන් ආකර්ෂණය කර ගැනීමට සූදානම් වේ.
අප කැමරා කාචයට අසුවූ සොඳුරු දසුන් කිහිපයක් පහතින්.
Buzzer.lk සහ Buzzer Financial හා සම්බන්ධ වෙමින් තවත් මෙවැනිම විස්තර දැනගන්න.
