ඒ අනුව ඊයේ (15) දිනයේදී රෝගීන් 1,195 දෙනෙකු වාර්තාවී ඇති බව සඳහන්ය. 

ජූලි මස පළමු දින 15 තුළ පමණක් ඩෙංගු ආසාදිතයින් 17,051ක් හඳුනාගෙන ඇත. 

ඉන් වැඩිම රෝගීන් සංඛ්‍යාව බස්නාහිර පළාතෙන් වාර්තා වන අතර එම පිරිස 38,160කි. 

දකුණු පළාතෙන් රෝගීන් 11,274ක් සහ සබරගමුව පළාතෙන් රෝගීන් 6,073ක් සහ මධ්‍යම පළාතෙන් රෝගීන් 6,026ක් වාර්තාවී ඇති බව ජාතික ඩෙංගු මර්දන ඒකකය නිවේදනය කළේය. 

ජූලි මාසයේදී ගම්පහ දිස්ත්‍රික්කයෙන් රෝගීන් 15,082ක්, කොළඹ දිස්ත්‍රික්කයෙන් රෝගීන් 14,447ක් සහ මාතර දිස්ත්‍රික්කයෙන් රෝගීන් 5124ක් හඳුනාගෙන ඇත. 

ඩෙංගු ආසාදනයවීම හේතුවෙන් මේ දක්වා පුද්ගලයින් 49 දෙනෙකු මිය ගොස් ඇති බව ජාතික ඩෙංගු මර්දන ඒකකය වැඩිදුරටත් සඳහන් කළේය. 

The post ඩෙංගු රෝගීන්ගේ සංඛ්‍යාව 72,430 දක්වා ඉහළට appeared first on Buzzer.

බ්‍රිතාන්‍යයේ  “රාජ්‍ය තර්ජන මර්දන පනත”  යටතේ මෙම නම් කිරීමට පියවර ගැනීමත් සමඟ, ඉරානයේ සිටින බ්‍රිතාන්‍ය තානාපතිවරයා කැඳවා ඒ සම්බන්ධයෙන් සිය දැඩි විරෝධය පළ කර ඇති බව සඳහන් වේ.

පසුගිය මාස කිහිපය තුළ යුරෝපය පුරා ප්‍රහාර එල්ල කිරීම සඳහා ඉරානය විසින් සිය සටන්කාමී කණ්ඩායම් මෙහෙයවා ඇති බවට බ්‍රිතාන්‍ය රජය චෝදනා කරයි.

එම චෝදනාව මත පදනම්ව, ලන්ඩන් නුවර සිටින ඉරාන තානාපති කාර්යාලයේ වැඩබලන ප්‍රධානී අලි නසීම්ෆර් කැඳවීමට බ්‍රිතාන්‍යය පියවර ගෙන තිබුණි.

ඉරානය විසින් බ්‍රිතාන්‍ය තානාපතිවරයා කැඳවා ඇත්තේ ඉන් දිනකට පසුවය.

විදේශීය රාජ්‍යයන් විසින් ඔත්තු බැලීම සහ කඩාකප්පල්කාරී ක්‍රියා වැනි ක්‍රියාකාරකම් සඳහා වෙනත් සටන්කාමී කණ්ඩායම් යොදා ගැනීම වැළැක්වීමේ අරමුණින් බ්‍රිතාන්‍යය විසින් මෑතකදී නව බලතල සහිත පනතක් හඳුන්වා දී ඇත.

මෙම පියවරත් සමඟ දෙරට අතර පවතින රාජ්‍ය තාන්ත්‍රික සබඳතා තවදුරටත් දැඩි නොසන්සුන්කාරී මුහුණුවරක් ගෙන ඇති බව විදෙස් පුවත් වැඩිදුරටත් පවසයි.

The post IRGC තර්ජනයක් ලෙස නම් කිරීම ගැන විමසීමට ඉරානය එරට සිටින බ්‍රිතාන්‍ය තානාපති කැඳවයි appeared first on Buzzer.

මහනුවර ප්‍රදේශයේ නීතිඥවරයෙකු විසින් ඉදිරිපත් කරන ලද මෙම පෙත්සම, ජනක් ද සිල්වා සහ අචල වෙන්ගප්පුලි යන ශ්‍රේෂ්ඨාධිකරණ විනිසුරු මඩුල්ල හමුවේ කැඳවනු ලැබූ අතර, එහිදී ඉදිරිපත් වූ කරුණු සලකා බැලීමෙන් අනතුරුව විනිසුරු මඩුල්ල විසින් මෙම නියෝගය නිකුත් කරන ලදී.

වගඋත්තරකරුවන් ලෙස ජනාධිපතිවරයා වෙනුවෙන් නීතිපතිවරයා, අමාත්‍ය මණ්ඩලයේ සාමාජිකයින් ඇතුළු පිරිසක් නම් කර ඇති බව සඳහන් වේ.

“දිට්වා” සුළි කුණාටු තත්ත්වයක් ඇති විය හැකි බවට කාලගුණ විද්‍යා දෙපාර්තමේන්තුව විසින් පූර්ව අනතුරු ඇඟවීම් සිදුකර තිබියදීත්, ඉන් සිදුවිය හැකි හානිය අවම කර මහජනතාව ආරක්ෂා කිරීම සඳහා රජය නිසි පූර්ව සැලසුම් ක්‍රියාත්මක කිරීමට අපොහොසත් වූ බව පෙත්සම්කරු පෙන්වා දී ඇත.

රජයේ මෙම බිඳවැටීම හේතුවෙන් ජනතාවගේ මූලික මිනිස් අයිතිවාසිකම් උල්ලංඡනය වී ඇති බවට ප්‍රකාශ කරන ලෙස පෙත්සම්කරු ශ්‍රේෂ්ඨාධිකරණයෙන් ඉල්ලා සිටියි. එමෙන්ම, ඉදිරියේදී මෙවැනි ස්වාභාවික ආපදා තත්ත්වයන් ඇතිවීම වැළැක්වීමට සහ ඉන් සිදුවන හානි අවම කර ගැනීමට අවශ්‍ය නිසි මාර්ගෝපදේශ මාලාවක් (Guidelines) රජය වෙත නිකුත් කරන ලෙස ද පෙත්සම මඟින් වැඩිදුරටත් ඉල්ලා තිබේ.

The post ‘දිට්වා’ ආපදා පූර්ව සැලසුම් සම්බන්ධයෙන් රජයට එරෙහි FR පෙත්සම ඔක්තෝබර් 30 කැඳවීමට නියෝග appeared first on Buzzer.

කටාර් රාජ්‍යයේ දෝහා නුවර පිහිටි ලුසයිල් මාලිගය  වෙත ගිය අග්‍රාමාත්‍යවරිය, එරට වත්මන් එමීර්වරයා වන අමීර් ෂෙයික් තමීම් බින් හමාඩ් අල්-තානි මහතා හමුවී සිය බලවත් කණගාටුව පළ කළාය.

අනතුරුව අල් වජ්බා මාලිගය වෙත පැමිණි අග්‍රාමාත්‍යවරිය, කටාර් රාජ්‍යයේ එමීර්වරයාගේ මෑණියන් මෙන්ම කටාර් පදනමේ  සභාපතිනිය ද වන ෂෙයිකා මෝසා බින්ට් නසාර් මහත්මිය වෙත ශ්‍රී ලංකා රජයේ ශෝකය පිරිනැමුවාය.

මීට අමතරව අභාවප්‍රාප්ත හිටපු එමීර්වරයාගේ දියණියන් වන ෂෙයිකා අල් මයාසා බින්ට් හමාඩ් අල් තානි කුමරිය සහ ෂෙයිකා හින්ද් බින්ට් හමාඩ් අල් තානි කුමරිය වෙත ද, රාජකීය පවුලේ සෙසු සාමාජිකයින් වෙත ද ඇය ශෝකය පළ කළාය.

මෙම අවස්ථාවට කටාර් රාජ්‍යයේ සමාජ සංවර්ධන හා පවුල් කටයුතු පිළිබඳ අමාත්‍යවරිය වන බුතයිනා බින්ට් අලි අල් ජබර් අල් නුඅයිමි මහත්මිය ද එක්ව සිටි අතර ඇය වෙත ද ශ්‍රී ලංකාව වෙනුවෙන් සිය ශෝකය පළ කිරීමට අග්‍රාමාත්‍ය ආචාර්ය හරිනි අමරසූරිය මහත්මිය කටයුතු කළාය.

The post කටාර් හිටපු එමීර්වරයාගේ අභාවය වෙනුවෙන් ශෝකය පල කළ අගමැතිනිය යළි දිවයිනට appeared first on Buzzer.

එබැවින් රෝග ව්‍යාප්තිය පාලනය කිරීම සඳහා සෞඛ්‍ය අංශ දියත් කරන මර්ධන වැඩසටහන්වලට උපරිම සහාය දක්වන ලෙසත්, තමන් ජීවත් වන නිවෙස්, පාසල් සහ සේවා ස්ථාන අවට පරිශ්‍රයන් මදුරුවන් බෝ නොවන පරිදි පිරිසිදුව තබා ගැනීමට වගබලා ගන්නා ලෙසත් සෞඛ්‍ය අමාත්‍යවරයා මහජනතාවගෙන් වැඩිදුරටත් ඉල්ලා සිටියි.

එහිදී අමාත්‍යවරයා පැවසුවේ මේ වන විට ගම්පහ දිස්ත්‍රික්කයේ රෝගී වර්තාවීම ඉහළ ගොස් ඇති බවය.

මේ අතර දිවයින පුරා පවතින ඩෙංගු අවදානම සැලකිල්ලට ගනිමින් දිස්ත්‍රික් 11ක් ඉලක්ක කර ගනිමින් අද (16) සිට විශේෂ ඩෙංගු මර්ධන වැඩසටහනක් ආරම්භ කරන බව ජාතික ඩෙංගු මර්ධන ඒකකය පවසයි.

ජාතික ඩෙංගු මර්ධන ඒකකයේ වැඩ බලන අධ්‍යක්ෂ වෛද්‍ය කපිල කන්නංගර මහතා සඳහන් කළේ, අද සිට ඉදිරි සති දෙකක කාලයක් පුරා අදාළ දිස්ත්‍රික්ක කේන්ද්‍ර කරගනිමින් මෙම විශේෂ මර්ධන වැඩසටහන අඛණ්ඩව ක්‍රියාත්මක කිරීමට සැලසුම් කර ඇති බවයි.

ඩෙංගු ව්‍යාප්තිය බහුලව වාර්තා වන කලාප හඳුනාගෙන, මදුරුවන් බෝවන ස්ථාන විනාශ කිරීම සහ ජනතාව දැනුවත් කිරීම මෙහි ප්‍රධාන අරමුණ වී තිබේ.

The post ඩෙංගු අවදානම අගෝස්තු මැද දක්වා පැවතිය හැකි බවට අනතුරු ඇඟවීමක් appeared first on Buzzer.

ඒ අදාළ සැකකරු අත්අඩංගුවට ගෙන සිදුකළ ප්‍රශ්න කිරීම් හමුවේය.

සැකකරු අත්අඩංගුවට ගැනීම සඳහා කණ්ඩායම් කිහිපයක් විශේෂ මෙහෙයුම් ආරම්භ කළ අතර මීගමුව කොට්ඨාස අපරාධ විමර්ශන කාර්යංශයේ නිලධාරින් කණ්ඩායමක් විසින් දිවුලපිටිය ප්‍රදේශයෙදී වෙඩිතැබීම සිදුකල සැකකරු අයිස් මත්ද්‍රව්‍ය ග්‍රෑම් 31 ක් සමග අත්අඩංගුවට ගෙන තිබුණි.

එහිදී සැකකරු භාරයේ තිබූ පොලිස් නිලධාරියාගේ ගිනිඅවියද කොල්ලකන ලද යතුරුපැදියද පොලිස් භාරයට ගෙන ඇත.

අත්අඩංගුවට ගත් සැකකරු අවුරුදු 41 ක් වන දිවුලපිටිය ප්‍රදේශයේ පදිංචිකරුවෙකි.

අත්අඩංගුවට ගන්නා ලද සැකකරු සිවිල් ආරක්ෂක බළකායේ කටුනායක නගර ආරක්ෂක කණ්ඩයට අනුයුක්තව 2008 වර්ෂයේ සිට 2010 වර්ෂය දක්වා සේවය කරන ලද අයෙකු බවට විමර්ශන නිලධාරින් විසින් අනාවරණය කරගෙන ඇත.

වෙඩි වැදීමෙන් තුවාල ලැබූ පොලිස් නිලධාරියා මීගමුව රෝහලටත් පහරදීමෙන් තුවාල ලැබූ පොලිස් නිලධාරියා මිනුවන්ගොඩ රෝහලටත් ඇතුළත් කර ඇති අතර අනෙක් සැකකරු අත්අඩංගුවට ගැනීමට විමර්ශන ක්‍රියාත්මකය.

The post පොලිස් නිලධාරියෙකුට වෙඩිතැබූ සැකකරු හිටපු සිවිල් ආරක්ෂක භටයෙක්  appeared first on Buzzer.

ලියොනොල් මෙසීගේ සුවිශේෂී දස්කම් සහ ලුටාරෝ මාර්ටිනස් තරගයේ 92 වැනි මිනිත්තුවේදී ලබාගත් ජයග්‍රාහී ගෝලය හේතුවෙන් මෙම පෙරළිකාර ජයග්‍රහණය වාර්තා වූ අතර, ඒ සමඟින් යුරෝපීය ශූර ස්පාඤ්ඤය සමඟ අවසන් මහා තරගයට සුදුසුකම් ලැබීමටද ආර්ජන්ටිනාවට අවස්ථාව හිමි විය.

ඇට්ලන්ටා හි ප්‍රේක්ෂකයින් 68,239 ක් ඉදිරියේ පැවැති මෙම අර්ධ අවසන් පූර්ව තරගයේ දෙවැනි අර්ධය ආරම්භ වී විනාඩි 55 වැනි මිනිත්තුවේදී ඇන්තනි ගෝර්ඩන් ලබාගත් ගෝලයත් සමඟ එංගලන්තය 1-0 ක් ලෙස පෙරමුණ ගත්තේය.

ඒ අනුව 1966 න් පසු තම පළමු ලෝක කුසලාන අවසන් මහා තරගයට පිවිසීමට එංගලන්තයට කදිම අවස්ථාවක් උදා වී තිබුණි.

නමුත් දෙරට අතර පවතින දීර්ඝකාලීන පාපන්දු තරගකාරිත්වය ලෝක කුසලාන ඉතිහාසයේ තවත් එක් අමතක නොවන තරගයක් බවට පත් කරමින්, ආර්ජන්ටිනාව තරගයේ අවසන් මිනිත්තු කිහිපය තුළ එංගලන්තයට එල්ල කළ ද්විත්ව ප්‍රහාරය ඉතිහාසයට එක්වනු ඇත.

තරගයේ 85 වැනි මිනිත්තුවේදී මෙසීගෙන් ලැබුණු දක්ෂ පන්දු යොමු කිරීමක් මඟින් එන්සෝ ෆර්නැන්ඩස් ආර්ජන්ටිනාව වෙනුවෙන් සම ලකුණු ගෝලය වාර්තා කළේය. 

ඉන් නොනැවතුණු ආර්ජන්ටිනාව, තරගයේ අතිරේක කාලය ආසන්න වෙමින් තිබියදී, නැවතත් ක්‍රියාත්මක වූ මෙසී ලබා දුන් දක්ෂ පන්දු යොමු කිරීමකින් ආදේශක ක්‍රීඩකයෙකු ලෙස පිටියට පිවිසි ලුටාරෝ මාර්ටිනස් හිසෙන් එල්ල කළ ප්‍රහාරයකින් ජයග්‍රාහී ගෝලය වාර්තා කළේය.

ඒ වන විට තරගයේ අතිරේක මිනිත්තු 2ක ගතවෙමින් තිබුණි.

මෙය 1986 දී ඩියේගෝ මැරඩෝනා එංගලන්තයට එරෙහිව දැක්වූ සුපිරි දස්කම්වලට සමාන නොවුණත්, මෙම ගෝල ද්විත්වය මඟින් ආර්ජන්ටිනාව පරාජයේ අද්දර සිට නැවත ජීවය ලබා ගත් අතර, පිට පිට දෙවැනි වරටත් ලෝක කුසලානය දිනා ගැනීමේ ඔවුන්ගේ සිහිනය ඉදිරියට ගෙනයාමට සමත් විය.

1962 දී බ්‍රසීලයෙන් පසු කිසිදු කණ්ඩායමක් පිට පිට ලෝක කුසලාන ශූරතාව රැකගෙන නොමැති අතර, මෙම ජයග්‍රහණයත් සමඟ බ්‍රසීලයේ සුපිරි ක්‍රීඩක කැෆූට  පසුව ලෝක කුසලාන අවසන් මහා තරග 3කට ක්‍රීඩා කළ දෙවැනි ක්‍රීඩකයා බවට පත්වීමට මෙසීට අවස්ථාව හිමිවේ.

කණ්ඩායම් 48 ක සහභාගීත්වයෙන් පැවැත්වෙන මෙම ලෝක කුසලානයේ අවසන් මහා තරගය ලබන ඉරිදා නිව් ජර්සි හි MetLife ක්‍රීඩාංගණයේදී පැවැත්වීමට නියමිතය.

39 වැනි වියේ පසුවන මෙසී එංගලන්තයට එරෙහිව ක්‍රීඩා කිරීමට මෙතරම් කාලයක් බලා සිටි අතර, ඔහු නිල තරගයකදී ස්පාඤ්ඤයට එරෙහිව ක්‍රීඩා කරන පළමු අවස්ථාව ද මෙය වේ.

2022 වසරේ කටාර්හිදී ආර්ජන්ටිනාව ලෝක ශූරයන් කරා මෙහෙයවීමත් සමඟ ඔහුගේ පාපන්දු ජීවිතය සම්පූර්ණ වූ බව පෙනෙන්නට තිබුණද, ඔහු තවමත් විශිෂ්ට ලෙස ක්‍රීඩා කරමින් සිටින බව මෙයින් සනාථ වේ.

කෙසේ වෙතත්, තෝමස් ටුචෙල්ගේ පුහුණුකාරීත්වයෙන් යුත් එංගලන්ත කණ්ඩායමට මෙවර විශාල පසුතැවීමකට මුහුණ දීමට සිදුව ඇත. ඔවුන්ට දැන් සිදුව ඇත්තේ සෙනසුරාදා මියාමි හිදී ප්‍රංශය සමඟ තෙවැනි ස්ථානය සඳහා වන තරගයට ක්‍රීඩා කිරීමටය.

The post එංගලන්තය හඬවමින් ආර්ජන්ටිනාව ලෝක කුසලාන අවසන් තරගයට appeared first on Buzzer.

කාලගුණ විද්‍යා දෙපාර්තමේන්තුව අද අලුයම නිකුත් කළ නවතම නිවේදනයේ ඒ බව දැක්වෙයි.

දිවයිනේ සෙසු ප්‍රදේශවල ප්‍රධාන වශයෙන් වියළි කාලගුණික තත්ත්වයක් පවතී.

උතුරු, උතුරු-මැද සහ වයඹ පළාත්වලත් මාතලේ, හම්බන්තොට සහ ත්‍රිකුණාමලය දිස්ත්‍රික්කවලත් විටින් විට පැ.කි.මී. 40-50 පමණ තද සුළං ද ඇති විය හැකි බව දැනුම්දෙයි.

The post අද කාලගුණය appeared first on Buzzer.

කොළඹ මහාධිකරණ විනිසුරු රශාන්ත ගොඩවෙල මහතා ඉදිරියේ මෙම නඩු විභාගය අද (15) පැවැත්වූ අතර, එහිදී පැමිණිල්ලේ සාක්ෂිකරුවන් දෙදෙනෙකුගේ සාක්ෂි සටහන් කර ගැනීම සිදුවිය.

ඉන් අනතුරුව වැඩිදුර සාක්ෂි විභාගය සැප්තැම්බර් මස 07 වනදා දක්වා කල් තැබීමට නියම කළේය.

2014 වසරේ ලංකා පොහොර සමාගමේ ප්‍රසම්පාදන කළමනාකරු වශයෙන් කටයුතු කරමින් එහි ගබඩා සංකීර්ණයේ කාපට් කිරීමේ කටයුතු පෞද්ගලික සමාගමකට පැවරීමේදී එම සමාගමට වාසිදායක ආකාරයකට ක්‍රියා කිරීම තුළින් දූෂණය නැමැති වරද සිදුකළ බවට චෝදනා කරමින් අල්ලස් කොමිසම විසින් මෙම නඩුව ගොනු කර තිබේ.

The post හිටපු ඇමති කුමාර ජයකොඩිගේ නඩුව විභාගයට ගැනීමට දින දෙයි appeared first on Buzzer.

සුරාබදු බලපත්‍රයක් ලබාදෙන බවට පවසා වීරකැටිය ප්‍රදේශයේ පුද්ගලයෙකුගෙන් රුපියල් 27,500,000/= මුදලක් වංචාකිරීම සම්බන්ධව මධ්‍යම අපරාධ විමර්ශන කාර්යංශය වෙත ලද පැමිණිල්ලක් මත එම කොට්ඨාසයේ මූල්‍ය හා වාණිජ අපරාධ විමර්ශන අංශය මඟින් විමර්ශනයක් ආරම්භ කර තිබුණි.

ඒ අනුව අදාළ විමර්ශන නිලධාරින් විසින් සිද්ධිය සම්බන්ධයෙන් ඊයේ (14)  උදෑසන හඟුරන්කෙත ප්‍රදේශයේදී ජයලත් බණ්ඩාර දිසානායක අත්අඩංගුවට ගෙන ඇත.

සැකකරු වයස අවුරුදු 58ක් වන ඒ මහතාව අද (15) දින නුගේගොඩ මහෙස්ත්‍රාත් අධිකරණය වෙත ඉදිරිපත් කිරීමට නියමිතව ඇති අතර, මධ්‍යම අපරාධ විමර්ශන කාර්යංශය විසින් වැඩිදුර විමර්ශන සිදුකරනු ලබයි.

The post හිටපු ඇමති එස්.බී ගේ සහෝදරයා අත්අඩංගුවට appeared first on Buzzer.