එම ශ්‍රේණිගත කිරීම්වල පළමු ස්ථානය මෙක්සිකෝවට, දෙවැනි ස්ථානය ඉතාලියට, තෙවැනි ස්ථානය ස්පාඤ්ඤයට සහ 50 වන ස්ථානය ශ්‍රී ලංකාවට හිමිව ඇත.

ආහාර සංස්කෘතික උරුමය, ප්‍රාදේශීය ආහාර විවිධත්වය, වීදි ආහාර සංස්කෘතිය, දේශීය අමුද්‍රව්‍ය භාවිතය, උසස් මට්ටමේ ආහාරපාන, තිරසාරත්වය සහ සංචාරකයන්ට හිමිවන සුවිශේෂී ආහාර අත්දැකීම් ඇතුළු කරුණු පදනම් කර ගනිමින් මෙම ශ්‍රේණිගත කිරීම සකස් කර ඇති බව Travel And Tour World  ආයතනය සඳහන් කරයි.

ඒ අනුව යුරෝපය, ආසියා-පැසිෆික් කලාපය, අමෙරිකානු හා කැරිබියානු, අප්‍රිකාව සහ මැද පෙරදිග ඇතුළු කලාපවල ප්‍රමුඛ ආහාර සංචාරක ගමනාන්ත රැසක් ද මෙවර Top 50 ලැයිස්තුවට ඇතුළත්ව තිබේ.

සුවඳැති කුළුබඩු, දේශීය අමුද්‍රව්‍ය සහ විවිධ සංස්කෘතික ආහාර සම්ප්‍රදායන් හේතුවෙන් ශ්‍රී ලංකාව සංචාරකයින්ට සුවිශේෂී ආහාර අත්දැකීමක් ලබාදෙන රටක් බව එහි සඳහන් වේ. 

වීදි ආහාරවල සිට වෙරළබඩ ආපනශාලා දක්වා විවිධ ආහාර රසවිඳීමේ අවස්ථා ශ්‍රී ලංකාව තුළ පවතින බවද Travel And Tour World වාර්තාව මඟින් පෙන්වා දී තිබේ. 

මේ අතර ශ්‍රී ලංකාවේ ආහාර සඳහා හොඳම ස්ථාන 10ක් ද අදාළ වාර්තාවට ඇතුළත් කර තිබීම විශේෂත්වයකි. 

ඒ අනුව, කොළඹ, ගාල්ල, මහනුවර, මීගමුව, ඇල්ල, යාපනය, මිරිස්ස, නුවරඑළිය, හික්කඩුව සහ ත්‍රිකුණාමලය ආහාර සඳහා හොඳම ස්ථාන ලෙස නම්කර ඇත.

කොළඹ බත් සහ ව්‍යංජන, කොත්තු රොටි, ආප්ප සහ නැවුම් මුහුදු ආහාර සඳහා ප්‍රසිද්ධියක් උසුලන අතර, ගාල්ල සහ මීගමුව මුහුදු ආහාර රස බැලීමට සුදුසුම ගමනාන්තය ලෙස වාර්තාවේ සඳහන්ය.

මහනුවර සාම්ප්‍රදායික ශ්‍රී ලාංකික ආහාර සඳහාත්, යාපනය සුවිශේෂී දෙමළ ආහාර රස සඳහාත් ප්‍රසිද්ධියක් උසුලන බව අදාළ වාර්තාවේ දැක්වේ.

එමෙන්ම, ඇල්ල දේශීය අමුද්‍රව්‍ය යොදා ගත් ආහාර සඳහාත්, නුවරඑළිය තේ ආශ්‍රිත ආහාර සහ පැණිරස කෑම සඳහාත්, මිරිස්ස, හික්කඩුව සහ ත්‍රිකුණාමලය වෙරළබඩ නැවුම් මුහුදු ආහාර සඳහාත් කැපී පෙනෙන ආහාර සංචාරක ගමනාන්ත ලෙස වාර්තාවේ සඳහන් කර තිබේ.

The post ලොව හොඳම ආහාර සංචාරක ගමනාන්ත අතර ශ්‍රී ලංකාවත් appeared first on Buzzer.

රජයේ ප්‍රවෘත්ති දෙපාර්තමේන්තුවේදී අද (13) පැවති මාධ්‍ය සාකච්ඡාවකට එක්වෙමින් කාන්තා සහ ළමා කටයුතු අමාත්‍ය සරෝජා සාවිත්‍රි පෝල්රාජ් මහත්මිය මේ බව ප්‍රකාශ කළාය.

මෙහිදී අදහස් දැක්වූ අමාත්‍යවරිය සඳහන් කළේ, විශේෂ අවශ්‍යතා සහිත දරුවන්ව සමාජයෙන් වෙන්කොට වෙන වෙනම ඉගැන්වීමේ පැරණි ක්‍රමය අත්හැරීමට රජය තීරණය කර ඇති බවය. 

මේ වෙනුවෙන් සමාජ සේවා දෙපාර්තමේන්තුව හා එක්ව නව ඒකාබද්ධ වැඩපිළිවෙලක් දැනටමත් ආරම්භ කර තිබේ.

විශේෂ අවශ්‍යතා ඇති දරුවන්ට වෛද්‍ය උපදෙස් සහිතව ක්‍රියාකාරකම් පාදක අධ්‍යාපන ක්‍රමයක් වගේම චර්යාත්මක හැඩගැසීම් ද අත්‍යවශ්‍ය බව පෙන්වා දුන් අමාත්‍යවරිය, එම දරුවන් වෙන් නොකර සාමාන්‍ය දරුවන් අතරේම හැදී වැඩීමට අවස්ථාව දීම ඉතාමත් වැදගත් බව පෙන්වා දුන්නාය.

මෙම වැඩපිළිවෙල සාර්ථක කර ගැනීම සඳහා මූලික පියවරක් ලෙස, විශේෂ අවශ්‍යතා සහිත දරුවන් හැසිරවිය යුතු ආකාරය පිළිබඳව පෙර පාසල් ගුරුවරුන් දැනුවත් කිරීමේ සහ පුහුණු කිරීමේ කටයුතු මේ වන විටත් ආරම්භ කර ඇත. 

ලංකාවේ පෞද්ගලික අංශයේ දායකත්වය ඇතිව ක්‍රියාත්මක වන ප්‍රමුඛ පෙළේ විශේෂිත ආයතන කිහිපයක් ද මේ සඳහා ඉතා ඉහළ සහයෝගයක් ලබා දෙන බව අමාත්‍යවරිය මෙහිදී පැවසුවාය.

ශ්‍රී ලංකාවේ ජාතික අධ්‍යාපන පද්ධතිය තුළ මුල් ළමාවිය අධ්‍යාපනය ලබන විශේෂ අවශ්‍යතා සහිත දරුවන් වෙනුවෙන් පවතින අවස්ථා මේ වන විට සීමිත මට්ටමක පවතින බවද ඇය මෙහිදී පෙන්වා දුන්නාය.

ඒ අනුව ඉදිරියේදී එම දරුවන්ගේ අවශ්‍යතා මනාව සපුරාලිය හැකි පෙර පාසල් පද්ධතියක් රට තුළ පුළුල් කිරීමට කටයුතු කරන බව ද අවධාරණය කළාය.

The post විශේෂ අවශ්‍යතා සහිත දරුවන්ටත් සම අවස්ථාව appeared first on Buzzer.

එහි වැඩිදුරටත් සඳහන් වන්නේ අනෙකුත් කලාපවලට වඩා ආක්ටික් කලාපයේ උෂ්ණත්වය වේගයෙන් ඉහළ යනු ඇතැයි අපේක්ෂා කරන බවය.

උෂ්ණත්වය සහ වර්ෂාපතනය පිළිබඳ කලාපීය අනාවැකි ඉදිරිපත් කරන මෙම වාර්ෂික වාර්තාවට අනුව වාර්ෂික ගෝලීය සාමාන්‍ය මතුපිට උෂ්ණත්වය 1850-1900 පූර්ව කාර්මික විප්ලවයට පෙර පැවති මට්ටමට වඩා 1.3°Cත් 1.9°Cත් අතර ප්‍රමාණයකින් ඉහළ යනු ඇතැයි පුරෝකථනය කර ඇත.

කෙසේවෙතත් මේ සම්බන්ධයෙන් අදහස් දක්වමින් එක්සත් රාජධානියේ කාලගුණ විද්‍යා කාර්යාලයේ පර්යේෂණ විද්‍යාඥ Melissa Seabrook සඳහන් කළේ “ගෝලීය සාමාන්‍ය උෂ්ණත්වය සෙල්සියස් අංශක 1.5 මට්ටමේ රඳවා ගැනීමට ඇති අවස්ථාව වේගයෙන් ගිලිහී යමින් පවතින බව විද්‍යාත්මකව ඉතා පැහැදිලියි” ලෙසය.

2015 පැරිස් ගිවිසුමේදී රජයන් පොරොන්දු වූයේ සාමාන්‍ය ගෝලීය උෂ්ණත්වය ඉහළ යාම පූර්ව කාර්මික මට්ටමට වඩා 1.5°C ඉක්මවා යාම වැළැක්වීමට උත්සාහ කරන බවය.

එම සීමාව ඉක්මවා ගියහොත් දරුණු දේශගුණික විපර්යාසයන්ගේ තීව්‍රතාවය තවදුරටත් වර්ධනය වනු ඇතැයි සැලකේ.

2024 වාර්තාගත උණුසුම්ම වසරේ වාර්තාව බිඳ වැටෙන ලකුණු

2026 සහ 2030 අතර කාලය තුළ අවම වශයෙන් එක් වසරක් හෝ ගෝලීය මතුපිට උෂ්ණත්වය 1850-1900 සාමාන්‍ය මට්ටමට වඩා 1.5°C ඉක්මවා යාමට බොහෝ දුරට ඉඩ කඩ ඇති බව අදාළ වාර්තාව පෙන්වා දී තිබේ. 

එය ලොව උණුසුම්ම වසර ලෙස වාර්තා වූ 2024 වසරේ උෂ්ණත්වය ද අභිබවා යනු ඇතැයි පුරෝකථනය කර ඇත.

කෙසේවෙතත් මේ සම්බන්ධයෙන් අදහස් දක්වමින් එක්සත් රාජධානියේ කාලගුණ විද්‍යා කාර්යාලයේ පර්යේෂණ විද්‍යාඥ Melissa Seabrook සඳහන් කළේ ” සාමාන්‍ය ගෝලීය උෂ්ණත්වය සෙල්සියස් අංශක 1.5 මට්ටමේ රඳවා ගැනීමට ඇති කාලය වේගයෙන් සීමා වෙමින් පවතින බව විද්‍යාත්මකව ඉතා පැහැදිලියි” ලෙසය.

වඩාත් දරුණු කාලගුණික තත්ත්වයන්

ඉදිරි වසර පහ තුළ උතුරු අර්ධගෝලයේ ආක්ටික් ශීත ඍතු උෂ්ණත්වය ගෝලීය සාමාන්‍යයට වඩා 3.5 ගුණයකටත් වඩා වැඩි වේගයකින් ඉහළ යනු ඇතැයි අපේක්ෂා කෙරේ.

එය 1991-2020 මූලික මට්ටමට වඩා වඩා 2.8°Cකින් පමණ ඉහළ යනු ඇත.

ඉදිරි අර්ධ දශකය තුළ මාර්තු මාසයේදී බැරන්ට්ස් මුහුද (Barents Sea), බෙරිං මුහුද (Bering Sea) සහ ඔකොට්ස්ක් මුහුදේ (Sea of Okhotsk) ආක්ටික් මුහුදු අයිස් දියවී යනු ඇතැයි ද අපේක්ෂා කෙරේ.

ආක්ටික් කලාපය උණුසුම් වීම නිසා කාලගුණ පද්ධතීන්ට බාධා එල්ල විය හැකි අතර, විශේෂයෙන් ලෝකයේ උතුරු ප්‍රදේශවල වඩාත් දරුණු කාලගුණික තත්ත්වයන් ඇති වීමට එය හේතු විය හැකි බව ද සඳහන්.

ඉදිරි ශීත ඍතු පහ තුළ උතුරු අර්ධගෝලයේ වඩාත් වැසි සහිත කාලගුණයක් පවතිනු ඇතැයි පුරෝකථනය කර ඇති අතර, මැයි-සැප්තැම්බර් මාසවලදී උතුරු යුරෝපය, ඇලස්කාව, සයිබීරියාව සහ සහෙල් (Sahel) කලාපවලට අධික වැසි සහිත කාලපරිච්ඡේදයන් ඇති විය හැක. 

එමෙන්ම මෙම කාල වකවානුවේදී ඇමසන් කලාපයට වියළි කාලගුණයක් පුරෝකථනය කර ඇත.

මෙම වසරේ ශීත ඍතුවේදී ප්‍රබල ‘එල් නිනෝ’ තත්ත්වයක් ද පුරෝකථනය කර ඇති අතර, එය 2027 දක්වා පැවතිය හැකි බවත් පැසිෆික් සාගරය උණුසුම් වීම හේතුවෙන් ගෝලීය උෂ්ණත්වය වාර්තාගත මට්ටමකින් ඉහළ යා හැකි බවත් සඳහන්.

The post ඉදිරි වසර 5 තුළ මිහිතලයේ උණුසුම වාර්තාගත ලෙස ඉහළ යන ලකුණු appeared first on Buzzer.

එහි වසංගත රෝග විද්‍යා අංශයේ ප්‍රධාන වසංගත රෝග විශේෂඥ වෛද්‍ය පාලිත කරුණාපේම මහතා සඳහන් කළේ, ජාතික ප්‍රතිශක්තිකරණ වැඩසටහන මඟින් දරුවන් සඳහා එන්නත් ලබාදීම මඟින් රෝග බොහෝමයක් පාලනය කරගෙන ඇති බවය.

හෙට (24) සිට ආරම්භ වන ලෝක ප්‍රතිශක්තිකරණ සතියට සමාගමීව සෞඛ්‍ය ප්‍රවර්ධන කාර්යාංශයේ පැවති මාධ්‍ය හමුවට එක්වෙමින් වෛද්‍ය පාලිත කරුණාපේම මහතා මෙම අදහස් පල කළේය.

“ලෝක ප්‍රතිශක්තිකරණ සතිය අපි සමරණවා 24 සිට 30 දක්වා. ලංකාව ඉතාම ඉහළ තලයක තියෙනවා ප්‍රතිශක්තිකරණය අතින්. 1978 ඉඳලා ජාතික ප්‍රතිශක්තිකරණ වැඩසටහන අපේ රටේ ක්‍රියාත්මක වෙනවා. ඒ නිසා එන්නත් මඟින් දරුවන් ආරක්ෂා වෙලා තියෙනවා. පෝලියෝ, Neonatal tetanus සහ රුබෙල්ලා වගේ රෝග ලංකාවෙන් තුරන් කිරීමට සමත්වුණා. එන්නත් නිසා අනෙකුත් රෝග අපිට වළක්වා ගැනීමේ හැකියාව ලැබිලා තියෙනවා. මේ නිසා පසුගිය වසර 15 තුළ ආයු කාලය වැඩි වෙන්න සහ දරුවන්ගේ මරණ අනුපාතය අඩුවීමට ජාතික ප්‍රතිශක්තිකරණ වැඩසටහන වැදගත් වෙලා තියෙනවා.”

The post මෙරට පුද්ගලයින්ගේ ආයු කාලය ඉහළට appeared first on Buzzer.

මෙවර එහි තේමාව වන්නේ Our Power – Our Planet (යොදා මිනිස් බලයක් – රැකගමු මිහිතලයක්) යන්නයි.

2026 වසරේදී අප මුහුණ දෙන පාරිසරික අභියෝගයන් අතරට දේශගුණික විපර්‌යාස, ජෛව විවිධත්වය හා පාරිසරික පද්ධති අහිමි වීම, කාර්මික අපද්‍රව්‍ය එක් රැස්වීම වන හායනය වැනි සංකීර්ණ ගැටළු රැසක් අවිදිමින් තිබේ.

වර්ෂ 1970 අප්‍රේල් 22 දින ප්‍රථම වරට අමෙරිකා එක්සත් ජනපදයේදී ජගත් මිහිතල දිනය සමරා ඇති බව සඳහන්ය.

අමෙරිකානු සෙනෙට් සභිකයෙකු හා පරිසරවේදියකු වු ගේලෝඩ් නෙල්සන් නැමැත්තා විසින් පුරෝගාමීව ආරම්භ කළ මෙම දිනය, පසුව ලොව පුරා ව්‍යාප්ත වී අද වන විට රටවල් 193ක බිලියන 1කට අධික ජනතාවගේ සහභාගීත්වයෙන් සමරනු ලබයි.

2009 වසරේදී එක්සත් ජාතීන්ගේ මහා මණ්ඩලය විසින් සම්මත කරන ලද යෝජනාවක් අනුව නම් කරන ලද මෙම දිනය “පොළව මත ඇති සියළුම ජීවීන්ගේ පැවැත්ම තහවුරු කරන පද්ධතියක් ලෙස මිහිතලය සැලකීම” යන්න අරමුණු කර ගෙන ඇත. 

ඒ සඳහා, හේතු පාදක වූයේ යුරෝපීය ජාතීන් විසින් සිදු කරන ලද අධික සම්පත් පරිභෝජනය හේතුවෙන් සිදුවූ වායු දූෂණය සහ ජල දූෂණය හේතුවෙන් මානව සෞඛ්‍ය සඳහා එල්ලවූ තර්ජන මඟහරවා ගැනීම සඳහා ජනතාව පෙළගැසීමයි. 

The post යොදා මිනිස් බලයක් – රැකගමු මිහිතලයක් appeared first on Buzzer.

Meta සමාගමට අයත් වේදිකාවන් හරහා ළමුන් අනතුරට පත් කිරීම, ලිංගිකමය වශයෙන් පැහැදිලි දර්ශනවලට ඔවුන් නිරාවරණය කිරීම සහ ලිංගික අපරාධකරුවන් සමඟ සම්බන්ධ වීමට ඉඩ සැලසීම සම්බන්ධයෙන් එම සමාගම වගකිව යුතු බව ජූරි සභාව තීරණය කර ඇති බව විදෙස් මාධ්‍ය පවසයි.

මෙම තීන්දුව සම්බන්ධයෙන් අදහස් දක්වමින් නිව් මෙක්සිකෝවේ නීතිපතිවරයා පවසා ඇත්තේ, මෙය “ඓතිහාසික” ජයග්‍රහණයක් බවත්, ළමා ආරක්ෂණ ගැටලු සම්බන්ධයෙන් ප්‍රාන්තයක් විසින් මෙටා සමාගමට එරෙහිව නඩු පවරා සාර්ථක වූ පළමු අවස්ථාව මෙය බවත්ය.

සති හතක් පුරා පැවති නඩු විභාගයේදී, මෙටා සමාගමේ අභ්‍යන්තර ලේඛන සහ හිටපු සේවකයින්ගේ සාක්ෂි ඉදිරිපත් කර තිබේ.

සමාගමේ හිටපු ඉංජිනේරු ප්‍රධානියෙකු වූ ආටුරෝ බෙජාර් සාක්ෂි දෙමින් පවසා ඇත්තේ, බාල වයස්කාර පරිශීලකයින්ට ලිංගිකමය අන්තර්ගතයන් නිර්දේශ වන ආකාරය තමා සිදුකළ පරීක්ෂණවලින් තහවුරු වූ බවය.

 ඔහුගේම කුඩා දියණියට පවා ඉන්ස්ටග්‍රෑම් හරහා නන්නාඳුනන පුද්ගලයෙකුගෙන් ලිංගික යෝජනාවක් ඉදිරිපත් වූ බව ඔහු අනාවරණය කර ඇත.

අභ්‍යන්තර පර්යේෂණවලට අනුව, එක් සතියක් තුළ ඉන්ස්ටග්‍රෑම් පරිශීලකයින්ගෙන් 16% ක් තමන්ට අනවශ්‍ය නිරුවත් දර්ශන හෝ ලිංගික ක්‍රියාකාරකම් දර්ශනය වූ බව වාර්තා කර ඇත.

මාර්ක් සකර්බර්ග්ගේ නායකත්වයෙන් යුත් මෙටා සමාගම මෙම තීන්දුවට එකඟ නොවන බවත්, ඒ සම්බන්ධයෙන් අභියාචනයක් ඉදිරිපත් කිරීමට බලාපොරොත්තු වන බවත් ප්‍රකාශ කර ඇත. “අපි අපේ වේදිකාවන් තුළ මිනිසුන් ආරක්ෂා කිරීමට වෙහෙස මහන්සි වී වැඩ කරනවා,” යැයි සමාගමේ ප්‍රකාශිකාවක් පවසා ඇති බව විදෙස් මාධ්‍ය පවසයි.

පසුගිය කාලය තුළ ළමුන්ගේ ආරක්ෂාව වෙනුවෙන් ‘Teen Accounts’ වැනි නව විශේෂාංග හඳුන්වා දුන් බව ද සමාගම පෙන්වා දී තිබේ.

කෙසේ වෙතත්, නිව් මෙක්සිකෝ ප්‍රාන්තය චෝදනා කළේ මෙටා සමාගමේ ‘ඇල්ගොරිදම’ (Algorithms) හරහා ළමුන්ව ලිංගික දර්ශන සහ ලිංගික ජාවාරම්කරුවන් වෙත යොමු කරන බවය.

මෙම ඩොලර් මිලියන 375 ක දඩය නියම කර ඇත්තේ නිව් මෙක්සිකෝවේ අසාධාරණ වෙළෙඳ පිළිවෙත් පනත උල්ලංඝනය කිරීමේ අවස්ථා දහස් ගණනක් සැලකිල්ලට ගනිමින්, එක් උල්ලංඝනයකට උපරිම ඩොලර් 5,000 බැගිනි.

The post Meta සමාගමට ඩොලර් මිලියන 375ක දඩයක් appeared first on Buzzer.

කාර්මික යුගයට සාපේක්ෂව පෘථිවියේ උෂ්ණත්වය සෙල්සියස් අංශක 1.43 කින් ඉහළ ගොස් ඇති අතර, සාගර රත්වීම සහ අයිස් කඳු දියවීම හේතුවෙන් මාරාන්තික ඩෙංගු වැනි රෝග ව්‍යාප්තිය සහ දැඩි සුළි කුණාටු ඇතිවීමේ අවදානම ඉහළ ගොස් ඇති බව සඳහන් වේ.

ඉදිරි වසර දෙක තුළ ඇතිවිය හැකි එල් නිනෝ බලපෑමත් සමඟ ලෝක උෂ්ණත්වය තවදුරටත් ඉහළ යනු ඇතැයි අපේක්ෂා කෙරේ. 

මෙය පාලනය කිරීමට නම් ලෝක ප්‍රජාව වහාම ෆොසිල ඉන්ධන භාවිතය නතර කළ යුතු බව එක්සත් ජාතීන්ගේ මහලේකම් ඇන්ටෝනියෝ ගුටරෙස් අවධාරණය කරයි.

කාබන්ඩයොක්සයිඩ් වැනි හරිතාගාර වායු විමෝචනය හේතුවෙන් පෘථිවිය පිට කරන තාපයට වඩා වැඩි තාප ප්‍රමාණයක් උරා ගනිමින් පවතින බව එම සංවිධානය පෙන්වා දෙයි.

මෙම වාර්තාවට අනුව පෘථිවියේ ප්‍රධාන දේශගුණික දර්ශක පිළිබඳ තත්ත්වය පහත පරිදි වේ.

වාර්තාගත උණුසුම – පසුගිය වසර 11 ඉතිහාසයේ වාර්තා වූ උණුසුම්ම වසර 11 ලෙස සටහන් වේ.

සාගර උෂ්ණත්වය – පෘථිවියේ රැඳෙන අතිරික්ත තාපයෙන් 90% කට වඩා උරා ගන්නේ සාගරයයි. පසුගිය වසරේ සාගර උෂ්ණත්වය වාර්තාගත ලෙස ඉහළ ගොස් ඇත.

අයිස් කඳු දියවීම – පෘථිවියේ උත්තර සහ දක්ෂිණ ධ්‍රැවයන්හි අයිස් තට්ටු අවම මට්ටමකට ඇද වැටී ඇති අතර ග්ලැසියර දියවීම වේගවත් වී ඇත.

කාබන්ඩයොක්සයිඩ් මට්ටම – වායුගෝලයේ CO2 මට්ටම වසර මිලියන දෙකකට පසු ඉහළම අගය වාර්තා කර ඇත.

මෙම වාර්තාවට ප්‍රතිචාර දක්වමින් එක්සත් ජාතීන්ගේ මහලේකම් ඇන්ටෝනියෝ ගුටරෙස් වැඩි දුරටත් ප්‍රකාශ කර ඇත්තේ, “පෘථිවි ග්‍රහලෝකය එහි සීමාවන් ඉක්මවා යමින් පවතින අතර සෑම ප්‍රධාන දේශගුණික දර්ශකයක්ම රතු එළි දල්වමින් පවතින” බවයි. 

ෆොසිල ඉන්ධන භාවිතයෙන් ඉවත් වී පුනර්ජනනීය බලශක්තිය වෙත කඩිනමින් යොමු වන ලෙස ඔහු ලෝක රටවලින් ඉල්ලා සිටියි.

2025 වසරේ ගෝලීය සාමාන්‍ය උෂ්ණත්වය පූර්ව කාර්මික යුගයට වඩා 1.43°C කින් ඉහළ ගොස් ඇති බව සඳහන් වේ. 

ඒ අනුව, 2026 වසරේ දෙවන භාගයේදී එල් නිනෝ (El Niño) තත්ත්වයක් වර්ධනය වීමේ හැකියාවක් පවතින අතර, එමඟින් 2027 වසරේදී ලෝක උෂ්ණත්වය තවත් වාර්තාගත ලෙස ඉහළ යා හැකි බව විද්‍යාඥයෝ අනතුරු අඟවා තිබේ.

විදෙස් මාධ්‍යයේ සඳහන් පරිදි, විද්‍යාඥයින් පෙන්වා දී ඇත්තේ මේ වන විටත් අමෙරිකාවේ නිරිතදිග ප්‍රදේශවල පවතින 40°C ට වඩා වැඩි අධික උණුසුම් කාලගුණය (Heatwave), මිනිස් ක්‍රියාකාරකම් නිසා සිදුවූ දේශගුණික විපර්යාසයන්හි සෘජු ප්‍රතිඵලයක් බවයි.

මනුෂ්‍ය වර්ගයා ඉතිහාසයේ මුහුණ දුන් දරුණුතම දේශගුණික අර්බුදයට පෘථිවිය මේ වන විට අවතීර්ණ වී ඇති බව ලෝක කාලගුණවිද්‍යා සංවිධානය ‘WMO’ පවසයි. 

කාර්මික යුගයට සාපේක්ෂව පෘථිවියේ උෂ්ණත්වය සෙල්සියස් අංශක 1.43 කින් ඉහළ ගොස් ඇති අතර, සාගර රත්වීම සහ අයිස් කඳු දියවීම හේතුවෙන් මාරාන්තික ඩෙංගු වැනි රෝග ව්‍යාප්තිය සහ දැඩි සුළි කුණාටු ඇතිවීමේ අවදානම ඉහළ ගොස් ඇති බව සඳහන් වේ.

ඉදිරි වසර දෙක තුළ ඇතිවිය හැකි එල් නිනෝ බලපෑමත් සමඟ ලෝක උෂ්ණත්වය තවදුරටත් ඉහළ යනු ඇතැයි අපේක්ෂා කෙරේ. 

මෙය පාලනය කිරීමට නම් ලෝක ප්‍රජාව වහාම ෆොසිල ඉන්ධන භාවිතය නතර කළ යුතු බව එක්සත් ජාතීන්ගේ මහලේකම් ඇන්ටෝනියෝ ගුටරෙස් අවධාරණය කරයි.

කාබන්ඩයොක්සයිඩ් වැනි හරිතාගාර වායු විමෝචනය හේතුවෙන් පෘථිවිය පිට කරන තාපයට වඩා වැඩි තාප ප්‍රමාණයක් උරා ගනිමින් පවතින බව එම සංවිධානය පෙන්වා දෙයි.

මෙම වාර්තාවට අනුව පෘථිවියේ ප්‍රධාන දේශගුණික දර්ශක පිළිබඳ තත්ත්වය පහත පරිදි වේ.

වාර්තාගත උණුසුම – පසුගිය වසර 11 ඉතිහාසයේ වාර්තා වූ උණුසුම්ම වසර 11 ලෙස සටහන් වේ.

සාගර උෂ්ණත්වය – පෘථිවියේ රැඳෙන අතිරික්ත තාපයෙන් 90% කට වඩා උරා ගන්නේ සාගරයයි. පසුගිය වසරේ සාගර උෂ්ණත්වය වාර්තාගත ලෙස ඉහළ ගොස් ඇත.

අයිස් කඳු දියවීම – පෘථිවියේ උත්තර සහ දක්ෂිණ ධ්‍රැවයන්හි අයිස් තට්ටු අවම මට්ටමකට ඇද වැටී ඇති අතර ග්ලැසියර දියවීම වේගවත් වී ඇත.

කාබන්ඩයොක්සයිඩ් මට්ටම – වායුගෝලයේ CO2 මට්ටම වසර මිලියන දෙකකට පසු ඉහළම අගය වාර්තා කර ඇත.

මෙම වාර්තාවට ප්‍රතිචාර දක්වමින් එක්සත් ජාතීන්ගේ මහලේකම් ඇන්ටෝනියෝ ගුටරෙස් වැඩි දුරටත් ප්‍රකාශ කර ඇත්තේ, “පෘථිවි ග්‍රහලෝකය එහි සීමාවන් ඉක්මවා යමින් පවතින අතර සෑම ප්‍රධාන දේශගුණික දර්ශකයක්ම රතු එළි දල්වමින් පවතින” බවයි. 

ෆොසිල ඉන්ධන භාවිතයෙන් ඉවත් වී පුනර්ජනනීය බලශක්තිය වෙත කඩිනමින් යොමු වන ලෙස ඔහු ලෝක රටවලින් ඉල්ලා සිටියි.

2025 වසරේ ගෝලීය සාමාන්‍ය උෂ්ණත්වය පූර්ව කාර්මික යුගයට වඩා 1.43°C කින් ඉහළ ගොස් ඇති බව සඳහන් වේ. 

ඒ අනුව, 2026 වසරේ දෙවන භාගයේදී එල් නිනෝ (El Niño) තත්ත්වයක් වර්ධනය වීමේ හැකියාවක් පවතින අතර, එමඟින් 2027 වසරේදී ලෝක උෂ්ණත්වය තවත් වාර්තාගත ලෙස ඉහළ යා හැකි බව විද්‍යාඥයෝ අනතුරු අඟවා තිබේ.

විදෙස් මාධ්‍යයේ සඳහන් පරිදි, විද්‍යාඥයින් පෙන්වා දී ඇත්තේ මේ වන විටත් අමෙරිකාවේ නිරිතදිග ප්‍රදේශවල පවතින 40°C ට වඩා වැඩි අධික උණුසුම් කාලගුණය (Heatwave), මිනිස් ක්‍රියාකාරකම් නිසා සිදුවූ දේශගුණික විපර්යාසයන්හි සෘජු ප්‍රතිඵලයක් බවයි.

The post 2027 වසරේදී ලෝක උෂ්ණත්වය වාර්තාගත ලෙස ඉහළ යා හැකි බවට අනතුරු ඇඟවීම් appeared first on Buzzer.

එක්සත් ජාතීන්ගේ 68 වන මහා සමුළුවේදී මාර්තු 03 වනදා ලෝක වනජීවි දිනය ලෙස ප‍්‍රකාශයට පත් කළේය.

මිනිසාගේ පැවැත්ම උදෙසා වනජීවීන්ගෙන් සිදුවන පාරිසරිකමය, ජානමය, සමාජීයමය, අධ්‍යාපනිකම වටිනාකම් අගැයීමට ලක් කරමින් මෙම දිනය ප්‍රකාශයට පත් කර ඇති බව සඳහන් වේ.

ලෝකයේ වඳවීමේ තර්ජනයට මුහුණ පා සිටින වනජීවි ප‍්‍රජාවගේ වාසස්ථාන සංරක්ෂණය කර ඔවුන්ගේ පැවැත්ම තහවුරු කිරීමත්, වනජීවී සම්පත මිනිසාගේ පැවැත්ම උදෙසා ලබා දෙන්නා වූ දායකත්වය පිළිබඳවත් ලෝක ජනතාව දැනුවත් කිරීම මෙම දිනයෙන් බලාපොරොත්තු වේ.

මිනිසා වනජීවී සංරක්ෂණය කෙරෙහි නැඹුරු කරවීම ද එක්සත් ජාතීන්ගේ සංවිධානය විසින් ලෝක වනජීවි දිනය ප‍්‍රකාශයට පත් කිරීමේ මුඛ්‍ය පරමාර්ථය වී ඇත.

The post ලෝක වනජීවී දිනය අදයි appeared first on Buzzer.

එය නම් කර ඇත්තේ, ඇල්ල ඔඩිසි – නානුඔය ලෙසයි.

එය අඟහරුවාදා දිනවල හැර සෙසු සියලු දිනවල නානුඔය සිට බදුල්ල දක්වා ධාවනය වෙයි.

නානුඔයෙන් උදෑසන 8.10 ට ගමන් ආරම්භ කරන දුම්රිය, බදුල්ලට ළඟා වන්නේ, පෙරවරු 11.36 ට පමණයි.

එම දුම්රිය සඳුදා දිනවල හැර සෙසු සියලු දිනවල බදුල්ලේ සිට නානුඔය දක්වා ගමන් කිරීමට සැලසුම් කර තිබේ.

පස්වරු 1.00 ට බදුල්ලෙන් පිටත්වන දුම්රිය, පස්වරු 5.17 ට නානුඔයට ළඟාවෙයි.

ඉදිරියේදී ඉල්ලුම පරිදි දුම්රිය ගමන් වාර සංඛ්‍යාව ඉහළ දැමීමට පියවර ගන්නා බව, දුම්රිය දෙපාර්තමේන්තුව සඳහන් කළේ ය.

The post උඩරට මාර්ගයේ ධාවනයට අද සිට නව දුම්රියක්. appeared first on Buzzer.

සිනමන් හෝටේල්ස්  & රිසොර්ට්ස් (Cinnamon Hotels & Resorts) සහ Indra Traders සමූහ ආයතනය සමග එක්ව, නවතම හෝටල්  ව්‍යාපෘතිය වන කැන්ඩි මිස්ට් බයි සිනමන් (Kandy Myst by Cinnamon), 2025 නව වසරේ දී මහනුවර ප්‍රදේශයේහි ආරම්භ කිරීමට බලාපොරොත්තු වේ. මෙම ව්‍යාපෘතිය හරහා, ශ්‍රී ලංකාවේ සංචාරක ක්ෂේත්‍රය තුළ සහ සංචාරකයින් අතර අතිශයින්ම ජනප්‍රිය සංස්කෘතික කේන්ද්‍රස්ථානයක් වන කන්ද උඩරට ප්‍රදේශය තව තවත් ආකර්ෂණීය කිරීමට බලාපොරොත්තුව වේ.

ව්‍යාපාරික සහ විනෝදාස්වාදය සඳහා පැමිණෙන සංචාරකයින් හට සුදුසු පරිදි නිමැවූ Kandy Myst by Cinnamon, නුවර කටුගස්තොට ප්‍රධාන මාර්ගයට යාබදව පිහිටා ඇති බැවින් සියලු නාගරික පහසුකම් සඳහා ද මහනුවර නගරයේ වැදගත් ස්ථාන සියල්ල සංචාරය කිරීම සඳහා ද ප්‍රවේශ පහසුකම් ඇත. මෙම හෝටල් පරිශ්‍රය, කන්ද උඩරට රාජධානියට ආවේණික සංස්කෘතික ආභාෂය සමග නවීන අංග මුසු කරමින් උසස්ම ප්‍රමිතියට අනුකූලව නිමවා ඇති අතර මහනුවර ප්‍රදේශය තුළ තනි හෝටලයක් සතුව ඇති විශාලතම නවාතැන් පහසුකම් සංඛ්‍යාව හිමි Kandy Myst by Cinnamon, කාමර 215 කින් සමන්විත වේ.

හෝටල් පරිශ්‍රය විවෘත කිරීම පිළිබඳ ව අදහස් දක්වමින් Cinnamon Hotels & Resorts හි Sri Lanka Resorts අංශ ප්‍රධාන උප සභාපති (Area Vice President) යොහාන්  අස්කාන් මහතා පවසා සිටියේ, “ශ්‍රී ලංකාවට පැමිණෙන සංචාරකයින් වැඩි  පිරිසක් සඳහා මහනුවර තවමත් ප්‍රමුඛතම ගමනාන්තයක් වන අතර එම සංචාරක ඉල්ලුමත් සමග බිහිවූ Kandy Myst by Cinnamon සඳහා අපගේ අරමුණ වුයේ, එම පැමිණෙන දේශීය සහ විදේශීය සංචාරකයන් හට මහනුවර නගරය තුල වෙනස් සහ නවීන අත්දැකීමක් ලබා දීමයි. දේශීය සහ විදේශීය සංචාරකයන් හට මෙම නවීන අත්දැකීම ලබාදීමට හැකි අවකාශයක් අපි Kandy Myst by Cinnamon මගින් නිර්මාණය කරමින් සිටිමු.”

Kandy Myst by Cinnamon හි අවන්හල් සහ පහසුකම් රැසක් සමන්විත වේ; Grains Dining, Kosmos Skybar; සහ Terra Lounge යන අවන්හල් සමඟ ආකර්ෂණීය Infinity පිහිනුම් තටාක අත්දැකීමක්, ව්‍යායාම් පහසුකම් සහ හෝටලයට පැමිණෙන්නන් සඳහා ඉඩකඩ සහිත රථගාලක් වැනි පහසුකම් ද ඒ අතර වේ.

Cinnamon Hotels & Resorts සමූහය මහනුවර වෙත ව්‍යාප්ත වීම පිළිබඳව අදහස් දක්වමින් එහි ප්‍රධාන විධායක නිලධාරි මිකෙල් ස්වෙන්සන් මහතා මෙලෙස තම අදහස් දක්වන ලදී , “Kandy Myst by Cinnamon යනු Cinnamon Hotels & Resorts ජාලයට තවත් එක් හෝටලයක් එකතු වීමක් පමණක්ම නොවේ. මෙමගින් අපගේ අරමුණ වන්නේ සංචාරක ක්ෂේත්‍රය වර්ධනය කිරීමට සහ ඒ ඔස්සේ දේශීය ජනතාව වෙත ප්‍රතිලාභ ලබා දීම වෙනුවෙන් කැපවීමයි. අප මේ හරහා දේශීය කුසලතාවන් හට රැකියා අවස්ථා ලබා දීමට ද ආයතනික තිරසාරත්වය ඔප්නංවමින්, දේශීය ආර්ථිකයට දායක වීමට ද අප බලාපොරොත්තු වෙනවා.”

Indra Traders සහ Cinnamon Hotels & Resorts අතර දිගුකාලීන කළමනාකරණ හවුල්කාරිත්වයක් ලෙස, Kandy Myst by Cinnamon සංචාරකයින් සඳහා මහනුවර පුරවරයේ සංස්කෘතිය සහ නවීනත්වය එකට මුසු වූ අපූර්ව අත්දැකීමක් වනු නොඅනුමාන ය.

මෙම දීර්ඝ කාලීන සබඳතාව පිළිබඳ අදහස් දක්වමින් Indra Traders සමූහ ව්‍යාපාරයේ සභාපති ඉන්ද්‍ර සිල්වා මහතා, “සංචාරක ක්ෂේත්‍රයට අපගේ ප්‍රවේශය සනිටුහන් කරන සන්ධිස්ථානයක්  වන Kandy Myst by Cinnamon ව්‍යාපෘතිය සඳහා  Cinnamon Hotels & Resorts සමඟ හවුල් වීමට ලැබීම ගැන අපි ආඩම්බර වෙමු. Kandy Myst by Cinnamon මඟින්, මහනුවර ප්‍රදේශය, ශ්‍රී ලංකාවේ ජනප්‍රිය ගමනාන්තයක් ලෙස ආකර්ෂණය වැඩි දියුණු කිරීමට සහ එම ප්‍රදේශයේ ආර්ථික වටිනාකමක් නිර්මාණය කිරීමට අප බලාපොරොත්තු වෙනවා. එමගින් සංස්කෘතික සාරය සමඟ නූතනත්වය මුසු වූ අන්තර්ජාතික මට්ටමේ  පිළිගත් ආගන්තුක සත්කාර අත්දැකීමක් ලබා දීම අපගේ අරමුණයි” යැයි ප්‍රකාශ කරන ලදී.

අපේක්ෂිත මහජන විවෘත කිරීමට පෙර, Kandy Myst by Cinnamon හි නවාතැන් සඳහා පෙර වෙන් කිරීම් https://www.cinnamonhotels.com/kandy-myst-by-cinnamon හරහා ආරම්භ කර ඇත. නවීන සහ සුවිශේෂී පහසුකම් වලින් සමන්විත Kandy Myst by Cinnamon, මහනුවර පුරවරයේ ආගන්තුක සත්කාරය යළි නිර්වචනය කිරීමට දායක වනු ඇතැයි බලාපොරොත්තු වේ.

The post කඳුකර රාජධානියේ අගනුවරට KANDY MYST BY CINNAMON appeared first on Buzzer.