21 වන ආණ්ඩුක්‍රම ව්‍යවස්ථා සංශෝධනය පාර්ලිමේන්තුවට ඉදිරිපත් කිරීම ප්‍රමාද කිරීම සම්බන්ධයෙන් අග්‍රාමාත්‍ය රනිල් වික්‍රමසිංහ මහතා නගන චෝදනාවට විපක්ෂ නායක සජිත් ප්‍රේමදාස මහතා පිළිතුරු ලබාදී තිබෙනවා.
21 වැනි ව්‍යවස්ථා සංශෝධනයට කැබිනට් අනුමැතිය ලැබී ඇති අතර අවසන් කෙටුම්පත පාර්ලිමේන්තුවට ඉදිරිපත් කරන බව අගමැති වික්‍රමසිංහ මහතා පැවසීය.
සමගි ජනබලවේගය (SJB) සහ ජාතික ජන බලවේගය (NPP) විසින් පාර්ලිමේන්තුව වර්ජනය කිරීම හේතුවෙන් අවාසනාවන්ත ලෙස එම ක්‍රියාවලිය ප්‍රමාද වන බව ඔහු වැඩිදුරටත් පැවසීය.
අග්‍රාමාත්‍යවරයාට ප්‍රතිචාර දක්වමින් SJB සහ විපක්ෂ නායක සජිත් ප්‍රේමදාස මන්ත්‍රීවරයා කියා සිටියේ අග්‍රාමාත්‍යවරයා විසින් සඳහන් කරන ලද 21 වන සංශෝධනය 9 වන පාර්ලිමේන්තුවෙන් පසුව ක්‍රියාත්මක වන බවයි.
මෙයින් අදහස් කරන්නේ වත්මන් ජනාධිපතිවරයාගේ බලය කිසිදු ආකාරයකින් කප්පාදු කර නොමැති බවත් පවතින තත්ත්වයට කිසිදු ප්‍රතිඵලයක් නොමැති බවත්, SJB කිසිදු ප්‍රමාදයක් සිදු නොකරන බවත් ඔහු පැහැදිලි කළේය.
“ඒ වගේම රාජපක්ෂ පාලනයේ වසරක් පුරාවටම ඔබ ධූරයේ වැඩ භාර ගත්තේ නැහැ. ඒ කියන්නේ ඔබ රාජපක්ෂගේ මධ්‍යගත බලතල කප්පාදු කිරීමට අතීතයේ කිසිවිටෙක උත්සාහ නොකළ බව” විපක්ෂ නායකවරයා පෙන්වා දුන්නේය.
එබැවින් අගමැති වික්‍රමසිංහ මහතා ඉදිරියට එවැන්නක් කරනු ඇතැයි විශ්වාසයක් නොමැති බවද සජිත් ප්‍රේමදාස මන්ත්‍රීවරයා වැඩිදුරටත් පැවසීය.
