ගාලුමුවදොර ජනතා විරෝධතාකරුවන්ගේ ක්‍රියාකාරී සැලැස්ම “අරගලයේ දිනය” මැයෙන් ඊයේ දින (05) ජනාධිපති කාර්යාලය ඉදිරිපිට විරෝධතා භූමියේදී ප්‍රචාරය කර තිබේ.
මෙම සැලැස්ම අදියර 06 කින් සමන්විත වන අතර, විරෝධතාවයේ අවසාන අරමුණ සාක්ෂාත් කර ගැනීම සඳහා සියලුම සටන්කරුවන්ගේ එකඟතාවයෙන් එය ඉදිරිපත් කෙරේ.
- ගෝඨාභය රාජපක්ෂ මහතා වහාම විධායක ජනාධිපති ධුරයෙන් ඉල්ලා අස්විය යුතුයි.
- රනිල් වික්‍රමසිංහ, රාජපක්ෂ පාලනය සහ රජය වහාම ඉල්ලා අස්විය යුතුයි.
- ගෝඨා-රනිල් ආණ්ඩුව ඉවත්වීමෙන් පසු ජන අරගලයේ ආර්ථික, සමාජීය හා දේශපාලන අරමුණු හා අභිප්‍රායයන්ට අනුකූල අන්තර්වාර පාලනයක් තිබිය යුතුය.
- ජනාධිපතිවරයා බලයෙන් පහකිරීමෙන් පසු ජනතා බලය තහවුරු කරන නව ව්‍යවස්ථාවක් සම්මත කරන තුරු පවතින ව්‍යවස්ථාවේ කළ හැකි ප්‍රජාතන්ත්‍රවාදී ප්‍රතිසංස්කරණ සිදු කළ යුතුයි.
- ජනතා බලය තහවුරු කරන නව ව්‍යවස්ථාවක් ජනමත විචාරණයකින් කඩිනමින් සම්මත කළ යුතුයි.
- අන්තර්වාර රජයේ මූලික අරමුණ ඉහත යෝජනා ක්‍රියාත්මක කිරීම වන අතර උපරිම මාස 12කට යටත්ව නව ආණ්ඩුක්‍රම ව්‍යවස්ථාවක් සම්පාදනය කිරීමෙන් පාලන ව්‍යුහය අවසන් විය යුතුය.
